Trumpek NATOrekin 'dituen zorrak' kitatzeko faktura eman zion Merkeli
Donald Trump AEBko presidenteak 300.000 milioi dolarreko faktura eman zion joan zen astean Angela Merkel Alemaniako kantzilerrari, kopuru hori baita "Alemaniak NATOrekin pilatu duen zorra", Trumpen aburuz. Egoera horrek harridura eragin zuen alemaniarren ordezkaritzan, Berlingo Gobernuko iturriek jakitera eman dutenez.
Trumpek hainbat alditan leporatu die NATOko kideak diren herrialdeei erakunde horrekiko dituzten obligazio ekonomikoak zaindu ez izatea, AEBren interesen kalterako. Izan ere, Trumpen ustez, AEBk dagokiona baino askoz gehiago ordaintzen dio erakunde horri.Alabaina, Trumpek egindakoa "eskandalagarria" dela uste dute Alemaniako Gobernuko iturriek.
The Times egunkariak aipatzen dituen iturrien arabera, Merkelek entzungor jokatu zuen faktura horren aurrean, eta ez zuen ezer esan euren artean izan zen mintzaldi labur batean. Faktura horretan azaldutako zenbatekoa, Trumpek egindako kalkuluetatik dator: 2012tik gaurdaino Alemaniak Defentsa alorrean izan duen aurrekontuaren zenbatekoaren % 2 gehi interesak.
"Kontzeptua bera bakarrik sinesgaitza da. Solaskidea kikiltzea zen haren helburu bakarra", adierazi dute iturri horiek Trumpen jarreraren harira.
Kantzilerraren gertuko iturriek deitoratu egin dute AEBko presidenteak gai horren gainean duen "ezohiko ikuspegia". "NATO ez da hileko ordainketa egiten duzun klub bat. Herrialde bakoitzak hartzen dituen konpromisoak beti daude lotuta Defentsarako dituzten aurrekontuekin", azaldu dute.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.