Gutxienez 4 pertsona hil dira AEBk Sirian egindako erasoan
Gutxienez lau militar siriar hil dira, horien artean Aire Armadako komandante bat, AEBk gaur goizaldean Siriako hegazkin base baten aurka egin duen erasoaren ondorioz, Siriako Giza Eskubideen Behatokiak gaur aditzera eman duenez.
Behatokiaren arabera, hildakoez gain, erasoak hainbat zauritu eragin ditu eta basea "ia erabat suntsituta" utzi du. Hegazkin base hori Siriako Gobernuak dituenen artean bigarrena da garrantziari dagokionez.
Shayrat hegazkin basea Homs hiritik 25 kilometrora dago, eta, horren hitzetan, bertatik atera ziren asteartean Jan Sheijun hiria bonbardatu zuten hegazkinak. Bonbardaketa horren ondorioz, ehun bat pertsona hil ziren.
Instalazio horietan hegazkinak, aire defentsarako armak, ofizialen etxebizitzak eta erregai biltegi bat zeuden, Behatokiaren hitzetan.
Siriako oposizioak eta hainbat herrialdek (besteak beste, AEB, Frantzia eta Erresuma Batua) eraso horretan arma kimikoak erabili izana leporatu diote Baxar Al-Asaden Gobernuari.
Aitzitik, Siriako Gobernuak zein Errusiak ukatu egin dute bertsio hori; izan ere, horien esanetan, bonbardaketaren ondorioz, "terroristena zen" arma kimikoen biltegi bat kaltetu zen.
Oraingoz, ez Nazio Batuen Erakundeak ez Arma Kimikoak Debekatzeko Erakundeak ez dute baieztatu zein gai kimiko erabili zen Jan Sheijunen. Alabaina, Mugarik Gabeko Medikuak elkarteak zabaldutakoaren arabera, sarin gasak eragiten ditu bonbardaketaren biktimek izan zituzten moduko sintomak.
oduko sintomak.Albiste gehiago mundua
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.