Siriako erregimenak egindako 4 eraso kimikoren zantzuak daudela salatu dute
Human Rights Watch (HRW) gobernuz kanpoko erakundeak salatu duenez, Siriako erregimenak Damasko, Hama, Idlib eta Alepo hirietan egindako lau eraso kimikoren "zantzu gehiago" daude. Ildo horretan, Baxar al-Asaden erregimenak 2016ko abenduaz geroztik gutxienez lau eraso kimiko egin dituela salatu du.
"Erasoak orokortuak eta sistematikoak dira, eta, zenbait kasutan, gizarte zibilaren kontrakoak", adierazi du. Zenbait kasutan erasoen helburua zibilei sufrimendu larria eragitea zela gaineratu du.
Gobernuz kanpoko erakundearen esanetan, arma kimikoekin egindako erasoak gizateriaren kontrako krimenak dira. Horren arabera, eraso horiek hiru modutara egin ditu: gerra hegazkinetatik bonbak jaurtita, helikopteroetatik tiro eginez (jarduera sistematikoagoa omen da orain) eta lurreko armadak eraso eginda.
Gas neurotoxikoa behin eta berriz erabili izanak Siriako erregimenaren eta Errusiako Gobernuaren bertsioa ahuldu du. Horien esanetan, apirilaren 4an Idlib probintziako Jan Sheijun hirian jazotakoa "ohiko" aireko erasoa izan zen eta matxinoen arma kimikoen biltegi bati eragin zion.
Erakundearen hitzetan, apirilaren 4ko erasoa izan zen tokian aurkitutako arma hondarren "argazki eta bideoek" errusiarrek egindako bonba kimiko bat izan daitekeela iradokitzen dute.
Bestalde, Nazio Batuen Segurtasun Kontseiluari ebazpen bat "berehala" onartzeko eskatu dio, "alde guztiek" Arma Kimikoen Debekurako Erakundeko ikertzaileekin kolabora dezaten. Halaber, errudunak zigortzeko ere galdegin dio.
Zure interesekoa izan daiteke
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoi, kulturaniztun eta ezkertiar berriaren izarra da. New Yorkeko alkate berriak boto gazte eta multikulturala bideratzea lortu du, etxebizitza eskuragarrian eta ezker demokrataren berrikuntzan oinarritutako mezuarekin.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.