Helikoptero bat ostu eta Gobernuaren egoitzen aurka egin dute Venezuelan
Polizia agente batek helikoptero bat lapurtu eta, horrekin, Barne Ministerioaren eta Auzitegi Nagusiaren egoitzen aurka tiro egin du Caracasen, Venezuelako Gobernuak adierazi duenez. Gainera, Gobernu venezuelarrak AEBko Inteligentzia Agentzia Zentralari (CIA) egotzi dio erasoaren atzean egotea.
Ernesto Villegas Venezuelako Komunikazio ministroaren esanetan, Oscar Perez izeneko agenteak La Carlota base militarrean lapurtu zuen helikopteroa. Perez Zientzia Poliziaren aireko garraioen taldeko inspektorea da.
Gainera, ministroaren arabera, "konplota" egin duen gizonak Barne Ministerioraino hegan egin du, hiriburuaren erdigunean, eta "15 bat tiro bota ditu eraikinaren aurka", 80 bat pertsona mokadu bat hartzen ari zirela.
Ondoren, Botere Judizialaren egoitzarantz abiatu da eta, heldu denean, "tiroak bota eta, gutxienez, Israelen ekoitzitako eta jatorri kolonbiarreko lau granada jaurti ditu, horietatik batek ez du eztanda egin, eta jaso zuten".
Villegasen hitzetan, erasook "Konstituzioaren eta horren erakundeen aurkako kolpe" baten barruan kokatzen dira eta, ziurtatu duenez, Perez ikertzen ari dira "Inteligentzia Agentzia Zentralarekin" eta Estatu Batuek Venezuelan duten enbaxadarekin loturak dituelakoan.
Venezuelako Gobernuaren iritzian, eraso terroristak izan dira, eta "eskuin venezuelarrak hasi eta atzerriko gobernuek zein botereek babestutako matxinadan kokatuta" daude.
Maduro, armak hartzeko prest
Nicolas Maduro Venezuelako presidenteak ohartarazi duenez, armak hartzeko prest dago, iraultza Bolivartarra suntsitzen badute. Botoen bidez lortu ez zutena, armen bidez lortuko dutela nabarmendu du.
Venezuelako oposizioaren iritzian, herrialdea diktadurapean dagoela adierazten dute Maduroren azken adierazpenek.
Caracasen eman duen hitzaldian esan du Madurok armak hartzeko prest dagoela: "Iraultza Bolivartarra suntsituko balute, ez genuke amore emango, borrokara joko genuke, eta botoen bidez lortu ez genuena, armen bidez lortuko genuke", esan du.
Egin duen ohartarazpena entzuteko esan die herritarrei Madurok, eta bere Gobernua dela herrialdeak duen bakerako aukera bakarra azpimarratu du.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.