AEEko adostasun ezak Venezuelari buruzko ebazpena oztopatu du berriz
Venezuelako krisi politikoari buruzko ebazpenaren alde bozkatuko zutela hitz eman zuten hamar herrialdek (Karibeko Komunitateko kideak dira) iritzia aldatu dute azken orduan Ameriketako Estatuen Erakundearen (AEE) goi-bileran eta, hortaz, ezin izan dute ebazpena onartu, diplomazia-iturriek Eferi adierazi diotenez.
Hori izan da, hain zuzen, AEEk Cancunen egindako bileran, testua onartzeko behar ziren 23 botoak ez jasotzeko arrazoia, nahiz eta, topaketaren hasieran (astelehenean), antolatzaileek behar beste babes zutela iragarri zuten.
Egun horretan, maiatzaren 31an Washingtonen aurkeztutako -eta onartu ez ziren- ebazpenetan oinarrituta Antigua eta Barbudak idatzitako testua eztabaidatu zuten.
Hala, testua lantzeko bi talde osatu zituzten, bata Brasilek, Estatu Batuek eta Peruk osatuta (topataketa antolatu zuten 14 herrialdetako taldearen ordezkari gisa), eta, bestea, Antigua y Barbudak, Guyanak eta Barbadosek osatuta (Karibeko Komunitatearen ordezkari bezala).
Hiru herrialde horiek baieztatu zuten Karibeko 10 herrialderen (14tik) babesa izango zutela.
Ez zuten espero, ordea, Venezuelaren kide hertsien babesa jasotzea, hau da, Saint Vicent eta Grenadinak, San Cristobal y Nieves eta Dominika herrialdeena.
Azken orduan atzera egin zutenak Granada, Haiti, Surinam, Trinidad eta Tobago eta Antigua y Barbuda herrialdeen artean daude.
Ameriketako Estatuen Erakundean testu bat onartzeko aldeko 23 boto behar dira, 34 kideetatik, hau da, goi-bilera horretan ordezkaritza duten herrialdeen bi herenak.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.