Indar irakiarrek eta xiitek Hawiya hiriaren kontrola bereganatu dute
Hawiya hiri estrategikoaren kontrola kendu diote ISISi , oldarraldia abiarazi eta egun batzuetara, Irakeko indarrek iragarri dutenez. Jihadistek herrialdean duten azken gotorlekuetakoa zela uste dute.
Irakeko Armadak ohar baten bidez azaldu duenez, soldaduak asteazkenean sartu ziren Hawiyan (Kirkuk, iparraldean) hiria bereganatzeko estrategiari jarraituta.
Nahiz eta Herri Mobilizazioaren Indarrek -milizia xiiten koalizioa- lehen orduan jakinarazi duten eguneko lehen orduan hiria hartuta zegoela, Armadak beranduxeago baieztatu du.
Hawiya bereganatuta, beltzez jantzitako milizianoek Irak iparraldean duten azken gotorlekua, ISISen kontrolpean dagoen gune bakarra Siriako mugaren ondoan dago. Hawiya Kirkuk petrolio-gunetik gertu dago.
Hawiyako oldarraldia Irakeko soldatuek gidatuta egin dute, estatubatuarren eta xiiten laguntzarekin.
"Armadaren bederatzigarren Dibisio Blindatua, Polizia Federalak, Larrialdiei Erantzuteko Dibisoak eta Herri Mobilizazioaren Indarrek Hawiya askatu dute", esan du Abdul Ameer Rasheed Yarala teniente jeneral eta Operazio Bateratuen Agintaritzaren buruak ohar batean.
Irakeko Gobernuak irailaren 21ean abiarazi zuen oldarraldia Bagdadeko iparraldean. Gune horretan 78.000 bat pertsona ez aurrera ez atzera egin ezinik zeudela adierazi zuten, Nazio Batuen arabera.
Abu Bakr al Baghdadik zuzentzen duen taldeko milizianoek Al Qaim hiria eta horren inguruan dagoen eskualdea kontrolpean dute. Gainera, Siria eta Iraken arteko mugan hainbat kokaleku mantentzen dituzte, baina indarra galtzen ari dira bi aldetatik; batetik, indar kurduak daude, AEBk lagunduta, eta, bestetik, Siriako Gobernuaren indarrak, xiita eta irandar eta Errusiako indarrek lagunduta.
Estatu Islamikoaren kaliferriak kolpe handia jaso zuen 2017ko uztailan, hain zuzen, Mosulen kontrola galdu zutenean, bederatzi hilabetez luzatu zen gatazka bat galdu ostean.
ISISek Al Baghdadiren audio grabaketa bat zabaldu duen aurreko astean, zenbait informazio iturrik hilda zegoela argitaratu eta gero.
Zure interesekoa izan daiteke
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.