Ophelia ekaitzak Irlanda geldiarazi du eta hiru pertsona hil ditu
Ophelia ekaitza zerbitzu publikoak etenarazi eta hiru hildako eragin ditu Irlandako Errepublikan.
Irlandako Poliziak atzo, astelehena, baieztatu zuen gizon bat hil zela Dundalken (ipar ekialdean), zuhaitz bat bere autoaren gainean erorita. Beste gizonezko batek istripua izan zuen motozerra batekin, eroritako zuhaitz bat kentzen saiatzen ari zenean.
Goizean, emakume bat hil zen Waterforden (hego-ekialdean) trafiko istripu batean, 156 km/h-rainoko abiadura hartu duten haizeteekin lotuta.
Irlandako Meteorologia Zerbitzu Nazionalak ohartarazi zuenez, Opheliaren ondorioak 1961ean Debbie urakanak sortutakoen parekoak izan litezke. Orduan, 18 pertsona hil ziren Irlandan.
360.000 etxebizitza zein dendetan ez dago argindarrik ekaitza igaro eta gero. Zuhaitzak errotik atera eta zutoin elektrikoak bota ditu, Irlandako Errepublikan zein Ipar Irlandan.
ESB energia enpresak zabaldutako oharraren arabera, "oso arriskutsua" da kaltetutako instalazio elektrikoetara hurbiltzea eta, aurreratu duenez, hainbat egun beharko dituzte argindarra sarea bere osotasunean berrezartzeko.
Eskolak eta unibertsitateak itxita egon ziren, eta larrialdi handirik gabeko prozesu judizial zein hitzordu medikuak bertan behera utzi zituzten aurretik, ekaitzaren eragina aurreikusita.
Gainera, 300 hegaldi baino gehiago bertan behera geratu dira Dublineko aireportuan, eta Belfasteko aireportuak adierazi zuen ekaitzak "eragina" izan duela Ryanair eta EasyJeten hegaldietan.
Leo Varadkar Irlandako lehen ministroak ekaitza igaro arte etxe barruetan egoteko deia luzatu zien herritarrei.
"Lanean, etxean edo beste pertsona batzuen etxeetan bada ere, babesean egon zaitez. Senide eta auzokideen egoera baieztatu", esan zuen. Gainera, erantsi zuenez, "ekaitz oso arriskutsua" da eta "alerta gorria" ezartzea eragin du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".