Espainiako enbaxadoreak 72 ordu ditu Venezuelatik alde egiteko
Venezuelako Gobernuak 72 ordu eman dizkio Jesus Silva Fernandez Espainiako enbaxadoreari herria uzteko, Espainiako iturri diplomatikoek jakitera eman dutenez.
Jesus Silva Fernandez Espainiako enbaxadorea pertsona 'no grata' izendatu zuen atzo, osteguna, Venezuelako Gobernuak, Espainiako Exekutiboaren "eraso eta esku-sartze etengabeengatik".
"Venezuelako Gobernu Bolivartarrak Jesus Silva Fernandez Espainiako Erresumaren Enbaxadorea pertsona No Grata izendatzea erabaki du", Jorge Arreaza Atzerri ministroak agiri batean adierazi zuenez.
Venezuelako Gobernuak, alde batetik, Europar Batasunak Venezuelako zazpi goi-karguduni, Diosdado Cabello chavismoaren bigarrenari esaterako, aste honetan ezarritako zigorrak kritikatu ditu, eta bestetik, Madrilek AEBren "agindu lotsagarriak" betetzen dituela salatu du.
Espainiako enbaxadorearen kaleratzeak bi herrien arteko tentsio diplomatiko areagotu du. Ministroen Kontseiluak Venezuelako Gobernuaren erabakiari erantzungo dio gaur, "elkarrekikotasun neurri proportzionalekin", Alfonso Dastis Atzerri eta Kooperazio ministroak ostegunean iragarri zuenez.
Hori horrela, Gobernuak ez du argitu Mario Isea Venezuelako enbaxadorea Espainian kaleratuko duten, baina bere Gobernuak kontsultarako deitu zuen asteazkenean.
Hau guztia, alde batetik, EBk Venezuelako Gobernuaren zazpi goi-karguduni zigorrak ezarri ostean heldu da, eta bestetik, presidenterako hauteskundeak apirilaren 30a baino lehen egitea erabaki ostean.
EBk enbaxadorearen kaleratzea gaitzetsi du
Jesus Silva Fernandez Espainiako enbaxadorea kaleratzeko Venezuelako erabakia "erabat" gaitzetsi du Europar Batasunak. Halaber, bere solidaritatea erakutsi dio Espainiari eta Venezuelako Gobernuari erabakia atzera botatzeko eskatu dio.
"Espainiako enbaxadorea pertsona 'no grata' izendatu izana gaitzesten du EBk. Gure solidaritatea erakutsi nahi diogu Espainiari eta erabakia atzera botatzeko eskatzen diogu Venezuelari, erabaki hori bide diplomatikoak zabalik mantentzearen aurka baitoa", esan du Catherine Ray Europako Batzordeko Atzerriko bozeramaileak jakinarazi duenez.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.