Oxfameko kideek Haitin prostitutak ordaindu zituztela eta, eskandalua Erresuma Batuan
Erresuma Batuak diru laguntza publikoak kentzearekin mehatxatu ditu gobernuz kanpoko erakundeak Haitin 2010ean izandako gehiegikerien berri izan eta gero. The Times egunkariak joan den astean jakinarazi zuenez, Oxfam gobernuz kanpoko erakundearen langile batzuek eta misioko zuzendariak prostitutak ordaindu zituzten 2010eko lurrikararen ostean. The Sunday Times egunkariak atzo emandako datuen arabera, 2017an gobernuz kanpoko erakundeetako 120 langile sexu abusu kasuetan egon dira nahasita.
Kasu horiek guztiek zalantza sortu dute laguntza humanitarioa ematen duten erakundeen inguruan. Penny Mordaunt Erresuma Batuko Nazioarteko Kooperazio ministroak nabarmendu duenez, kasu horietan nahasita dauden gobernuz kanpoko erakundeek ikerketan lagundu beharko dute, eta hala egiten ez dutenek ez dute diru laguntzarik jasoko.
The Sunday Times egunkariaren arabera, Oxfam erakundeko 87 langileri sexu gehiegikeriari egotzi zieten 2017an. Save The Childrenen 31 kasu atzeman zituzten, eta Christian Aiden, bi.
Prostitutak Haitiko lurrikararen ostean
Eskandalua joan den astean lehertu zen. The Times egunkariak Oxfam erakundearen barne ikerketa bat kaleratu zuen. Horren arabera, gobernuz kanpoko erakunde horretako langileek eta misioko zuzendariak prostitutak (adingabeak batzuk) kontratatu zituzten erakundearen funtsak erabilita.
Informazioaren arabera, zazpi izan ziren eskandaluan nahasitako langileak, tartean Roland van Hauwermeiren Oxfamek Haitin zuen zuzendaria. Azken horrek aitortu zuenez, prostitutak eraman zituen gobernuz kanpoko erakundeak ordaintzen zion etxera.
Egunkariak kaleratutako txostenean jasotzen denez, "inpunitatearen kultura" zen nagusi Oxfameko langileen artean. "Ezin da baztertu prostitutetako batzuk adingabeak izatea", dio txostenak.
Oxfamek eskandalua estali zuen
Barne ikerketa horren ostean, gobernuz kanpoko erakundeak lau langile kaleratu zituen, baina gainerako zuzendariei dimititzen utzi zien, inongo zigorrik ezarri gabe.
Van Hauwermeiren zuzendari ohiari, adibidez, "epekako dimisio duina" eskaini zioten, bat-batean kaleratuta Oxfamen izen ona zalantzan jarriko zelakoan.
The Times egunkariak kaleratutakoak harrabotsa eragin du, eta gobernuz kanpoko erakundeak oharra atera behar izan du gertatutakoa "onartezina" izan zela adierazteko.
Zure interesekoa izan daiteke
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.