Haserrea Txinan, AEBn terrakotazko gudari bati kalteak egin dizkiotelako
Xiango Terrakotazko Armada ospetsuko soldadu baten atzamarra apurtu eta lapurtu du gizon batek Filadelfiako (AEB) erakusketa batean. Txinako ondasunen arduradunek dagoeneko iragarri dute kalte-ordaina eskatuko diotela Filadelfiako Franklin Institutuari eskultura horri eragindako kalteagatik.
Beijing Youth Daily egunkariaren arabera, erakusketa antolatu zuen Txinako elkarteak gaitzetsi egin ditu "lapurreta eta kultura ondasunaren suntsipena", eta lapurrari "zigor latza" jartzeko eskatu du.
Txinako hedabideek jakitera eman dutenez, abenduaren 21ean, Filadelfiako Institutuan egindako festa batean, gizon bat Xiango soldaduen erakusketa aretoan sartu zen, ezkutuan, eta terrakotazko soldaduari bizkarretik helduta autorretratua egin eta gero, atzamar bat apurtu zion eta etxera eraman zuen.
AEBko erakustokiak barkamena eskatu dio Txinari, urtarrilean gudariari atzamarra falta zitzaiola kontura eta gero. Ondorioz, FBIk ikerketa egin ostean, lapurra atxilotu zuten, eta epaiketaren zain dago, baldintzapean aske.
Franklin Institutuak terrakotazko hamar gudari erakutsiko ditu abuztura arte. Terrakotazko Armadak 8.000 soldadu ditu, 70eko hamarkadan aurkitu zituzten eta 2.200 urte omen dituzte. Hortaz, Antzinako Txinako zibilizazioaren ondasun garrantzitsuenetako bat da.
Albiste gehiago mundua
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.
40. Open Sestao Basque Country xake txapelketan ez da parte-hartzaileen banderarik ikusiko, jokalari israeldarrak daudelako
Antolatzaileek "Israelek Gazan egindako genozidioa" gaitzetsi dute, eta Palestinako bandera jarriko dute Las Llanasen.
Lisboako funikularraren kablea eten egin zela frogatu dute lehen ikerketek
Kable hori funikularreko beste kabina bati lotuta zegoen, eta kontrapisu gisa erabiltzen zen.
Japoniako lehen ministroak dimisioa eman du, PLD alderdiak bere etorkizuna erabakitzeko hitzordua heldu aurretik
Alderdiak primarioen ezohiko aurrerapen baten inguruan eztabaidatu bezperan eman du dimisioa. Izan ere, hauteskundeetan emaitza kaxkarrak lortu ostean, pentsatzekoa da alderdiaren zein Gobernuaren buruzagitzatik kenduko zutela
Errusiaren eraso batek sutea eragin du Kieven, Gobernuaren eraikin batean, gerran lehen aldiz
Gutxienez bi pertsona hil eta 18 zauritu dira Errusiako Armadak Kieven egindako eraso masibo baten ondorioz. 800 drone eta dozena bat misil baino gehiago jaurti dituzte, eta horietako batzuek Ukrainako Gobernuaren eraikin bat jo dute.
Poliziak hainbat manifestari atxilotu ditu Londresen, Palestine Actionen aldeko protestan
Erresuma Batuko Poliziak hainbat manifestari atxilotu ditu larunbat honetan Parlamentuko plazan, Londresen, Palestine Action taldeari babesa adierazteko protesta batean. Uztailean erakunde terrorista izendatu zuten talde hori, hegazkin militar batzuei Palestinako banderak margotzeagatik kalteak egitea eta Elbit Systems Israelgo defentsa enpresaren instalazioak blokeatzea egotzita. 138 pertsona auzipetu dituzte ordutik talde horri laguntzea egotzita. Milaka pertsona bildu dira Parlamentu aurrean, 'Genozidioaren aurka nago, Palestine Actionen alde nago' leloa zeramaten kartelak eskuetan hartuta. Poliziaren aurkako oihuak ere entzun dira; "Ezin zarete ezkutatu, genozidioaren alde zaudete. Lotsa!", tartean.
Defentsa Departamentua Gerra Departamentu bihurtu du Trumpek
Pentagonoak 1947an erabili zuen izendapen hori azkenekoz, Bigarren Mundu Gerraren ondoren estrategia diplomatiko gisa Defentsa Departamentu bihurtu zuenean.
Israelek eraikin bat eraitsi du Gazan, ebakuazioa agindu ostean
Armadak altuera handiko bloke baten aurkako erasoa baieztatu du, hegoaldeko "eremu humanitario" batera ebakuatzeko agindua eman ondoren. Armadak esandakoaren arabera, Hamasek erabiltzen zuelako eraitsi du.
Bruselak Googleri jarritako isuna kritikatu du Trumpek, eta errepresaliekin mehatxatu du: "Bidegabea da!"
Europako Batzordeak isuna jarri dio Googleri publizitate-teknologiaren (adtech) sektorean abusuzko praktikak egitea leporatuta, gutxienez 2014tik, antza, bere zerbitzuei mesede egiteagatik, lehiakideen beste hornitzaile batzuen kaltetan.