Inputatu egin dute Sarkozy, 2007ko kanpaina Gadafiren diruarekin ordaintzea egotzita
Nicolas Sarkozy Frantziako presidente ohia inputatu egin dute asteazken honetan, 2007ko hauteskunde kanpaina Muamar Gadafi Libiako diktadore zenaren diruarekin ordaindu izana egotzita, Le Monde egunkariak aurreratu duenez.
Hain zuzen ere, instrukzio-epaileek ustelkeria pasiboa, legez kanpoko finantziazioa eta Libiako dirua jasotzea egotzi diote. Azken bi egunetan, 25 ordu eman ditu agintari ohiak epaileen aurrean deklaratzen.
Sarkozy: "Mendeku eta gezurren kanpaina baten biktima naiz"
Presidente ohiak salatu duenez, Gadafiren taldekoek sustatutako "mendeku eta gezurren kanpaina" baten biktima da.
Sarkozyk idatzia irakurri zuen epaileen aurrean, horiek inputatzen zuela iragarri aurretik. Le Figarok bere webgunean gaurkoan kaleratutakoaren arabera, buruzagi frantsesa kexu agertu zen, haren kontrako akusazioetan "froga materialik ez" dagoela eta mendeku gosez dabiltzan Gadafi eta gertukoen adierazpenetan oinarritzen dela.
Frantziako presidente izandakoaren hitzetan, "kanpaina" horrengatik galdu zituen 2012ko Presidentetza hauteskundeak eta baita 2016ko bere alderdiko barne hauteskundeak ere.
Sarkozy eta Gadafi, azken horrek 2006an Eliseora egindako bisitan. EFE
Batez ere Ziad Takieddine enpresaburu eta bitartekaria hartu du jomuga. Takieddinek 2016an aitortu zuenez, 2006ko urte bukaeraren eta 2007ko urte hasieraren artean, bost milioi euro eraman zituen Tripolitik Parisera, eta Claude Geantiri eta Nicolas Sarkozyri, orduko Barne ministroari, eman zizkion.
"Neu izan nintzen Gadafiren erregimena suntsitu zuen koalizioaren buru, eta larrutik ordaindu dut. Nire kontra gezur eta zentzugabekeria ugari esan dituzte".
Aurretik ere legez kanpoko finantzaketagatik auzipetuta dago Sarkozy. 2012ko hauteskundeen finantzaketagatik akusatuen aulkian jesarri beharko da Frantziako politikaria.
Albiste gehiago mundua
Israelek "aurrekaririk gabeko indarra" erabiliko du Gaza hiriaren aurkako erasoaldian
2023ko urriaren 7az geroztik, 65.100 palestinar baino gehiago hil ditu Israelek Gazako Zerrendan burututako erasoaldietan, agintari gazatarren arabera.
Nor da Jimmy Kimmel eta zein dira bere programa bertan behera utzi ondorengo polemikaren gakoak?
Umorista ezagunaren "Jimmy Kimmel Live!" saioa bertan behera utzi izanak areagotu egin du adierazpen-askatasunari eta zentsurari buruzko eztabaida Ameriketako Estatu Batuetan.
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.