Duque eta Petro lehiatuko dira Presidentetza hauteskundeen bigarren itzulian
Ivan Duque hautagai kontserbadoreak erraz irabazi ditu (% 39,14) igandean Kolonbiako Presidentetza hauteskundeen lehen itzulia, eta bigarren itzulian (ekainak 17) Gustavo Petro ezkerraren (% 25,09) hautagaia izango du aurrez aurre, datu ofizialen arabera, botoen % 99,99 zenbatuta dagoenean.
Hala, Zentro Demokratiko Alderdiko hautagaiak, Duquek, 7.567.785 boz jaso ditu, Petrok 4.850.639, eta Sergio Fajardok 4.588.499 (% 23,73).
"Kolonbiarrek konfiantza botoa eman digute gaur, Kolonbian eraldaketa has dezagun, horregatik, gaur esan nahi dut gure herrialdea batuko duen presidentea izan nahi dudala", esan du Duquek bere jarraitzaileen aurrean, "akordioa deuseztatu" egingo ez duela argitu eta gero.
"Ez ditugu bake akordioak hautsi nahi, argi utzi nahi dugu bakea nagusi den Kolonbian, bakeak justiziarekin topo egiten duela, egiarekin, ordainarekin eta zigorren betearazpenarekin", Duqueren esanetan. Gainera, Alvaro Uribe presidenteordeari eskerrak eman dio, lehen itzuliaren emaitzak ezagutu ostean egindako agerraldian.
Gustavo Petro, presidente izan zitekeen ezkerraren hautagaia. Argazkia: EFE
Petrok bake akordioak mantentzeko konpromisoa hartu du, sektore txiroenei zuzendutako gizarteratze planak babestu ditu eta ukatu du lurrak desjabetzeko asmoa duenik. "Kolonbiaren historia alda liteke", azpimarratu du.
Laugarren postuan German Vargas izan da, 1.407.781 boto (% 7,28) lortuta, presidenteorde ohiak espero zuena baino askoz babes gutxiago. Ondoren, Humberto de la Calle, 399.123 botorekin (% 2,06).
Juan Manuel Santos Kolonbiako presidenteak presidentetza-hauteskundeen bozketa egunean izan den lasaitasun giroa goraipatu du, bozketa hasi eta gutxira egin dituen adierazpenetan.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.