Kolonbiako ezkerra berriro trabatu da
Kolonbiako inkestak ez dira okertu. Ivan Duque egongo da hurrengo 4 urteetan Nariño Etxean, Kolonbiako presidentearen bizilekuan. Garaipena lortu du, baina aldea ez da izan botoak zenbatu baino lehen aurreikusitakoa bezain handia. Izan ere, Gustavo Petrok emaitza historikoa lortu du Kolonbiako ezkerrarentzat (zortzi milioi bototik gora) eta Gobernuari oposizio gogorra egingo diola agindu du, “mobilizazio etengabeak” bultzatu eta “plaza publikoak behin eta berriro” zapalduko dituela iragarri baitu.
Hauteskundeetan lortutako emaitzei esker, Gustavo Petro presidenterako hauteskunde batzuetako bigarren itzulira heldu den eta zortzi milioi bototik gora lortu dituen ezkerreko lehen liderra izan da. Erreferentzia gisa Bogota hiriburuko alkate ohia dugu, botoen % 41,8 lortu baititu, abuztuaren 7an agintea utzi beharko duen Juan Manuel Santosek Presidentetzara iristeko lortu zituenak baino gehiago.
Lortutako emaitzak onak izan arren, deigarria da Kolonbian ezkerreko alderdi bat inoiz bigarren itzulira igaro ez izana eta inoiz gobernatu ez izana. Ezkerrari aurrera egitea oztopatzeko “tradizio” hori maiz errepikatu da Kolonbiako politikan, eta ez da ulertzen hainbat herrialdetan ezkerra nagusitu den kontinente batean.
Oraingoan ere, ezkerrak ez du garaipenik lortu, Venezuelako krisia Kolonbiako hauteskunde kanpainan oso presente egon baita lehen egunetik, ezkerraren garaipen historiko bat ez izateko eta gerrillari ohi bat boterera ez iristeko. Kanpainan zehar tamaina handiko iragarkiak jarri dituzte Kolonbiako hainbat tokitan, “Kolonbia beste Venezuela bat izan ez dadin”. Hori dela eta, ikusitakoak ikusita, Kolonbiako ezkerra Venezuelako Gobernuarekin lotzeko saiakera horrek esperotako emaitza izan duela esan daiteke.
Ezkerreko koalizioak emaitza onak lortzeaz gain, parte-hartzeari begira ere hauteskunde onak izan dira. Botoa emateko eskubidea zuten herritarren % 53k eman dute botoa, eta inoiz baino parte-hartze handiagoa izan da, Kolonbian botoa ematera joatea baino etxean geratzeko ohitura nagusitu bada ere.
(*) Imanol Butron Alonso, Zientzia Politikoetan graduatua Euskal Herriko Unibertsitatean, EiTB-EHU Multimedia Komunikazio Masterreko ikaslea da eta eitb.eus-en dabil praktikak egiten.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.