Hil egin da duela astebete Novichok gasarekin kutsatutako emakumea Erresuma Batuan
Dawn Sturges aurreko astean gas kutsakor batekin Amesburyn (Erresuma Batua) kutsatutako emakumea hil egin da, Scotland Yardek zabaldu duenez. Sturges eta Charlie Rowley bere bikotekidea Novichok gasarekin kutsatu omen ziren. Dirudienez, Sergei Skripal espioi errusiar ohia eta Yulia horren alabaren aurka erabilitakoa litzateke.
"Ikertzaileek ikerketa abiarazi dute hilketagatik Amesburyn, Wiltshiren, gasarekin kutsatutako emakumea arratsalde honetan ospitale batean hil ondoren", esan du Poliziak ohar baten bidez.
Poliziek gertatutakoaren berri eman diote sendiari eta heriotzaren inguruan gehiago sakontzeko autopsia egingo diotela adierazi dute. Bitartean, Rowleyk "larri jarraitzen du".
Terrorismoaren aurkako taldeak hartu du ikerketaren gidaritza. "Ehun bat ikertzaile etenik gabe lanean ari dira", Wiltshireko Poliziarekin batera, esan du Scotland Yardek.
"Albiste gogorrak eta tristeak dira. Dawnek famili a bat utzi du, hiru seme-alaba. Elkartasuna adierazi nahi diegu une zail honetan", Neil Basu Terrorismoaren aurkako taldeko komisariordearen esanetan.
"Albiste beldurgarri haiek gure asmoa hauspotu baino ez dute egiten, ekintza anker, arduragabe eta basati honen erantzule edo erantzuleak identifikatu eta justiziaren esku uzteko", gaineratu du.
Thersa May lehen ministroak ziurtatu duenez, "atsekabetuta" dago Sturgesen heriotzagatik. "Gobernuak komunitateari behar beste laguntza emateko konpromisoa hartu du, Sky Newsek zabaldu duenaren arabera.
Zure interesekoa izan daiteke
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.