Mayk Europar Batasunarekin negoziatzen jarraituko du, hurrengo igandera arte
Theresa Mayk, Erresuma Batuko lehen ministroak, Bruselarekin negoziatzen jarraituko du, Europar Batasunetik irten ostean izan beharreko harremanari buruzko adierazpena ixteko, Sky News-i emandako elkarrizketa batean esan duenez.
"Ez dago ezer hitzartuta dena hitzartuta egon arte", esan du Mayk. Berriz negoziatzera eta baldintzei buruzko akordioa aldatzera bultzatzen ari dira bere alderdiko kide euroeszeptikoenak.
"Talde negoziatzaileak lanean jarraitzen dute gu hitz egiten ari garen bitartean", esan du. Aste honetan Bruselara joango dela eta Jean-Claude Juncker Europako Batzordearen presidentearekin bilduko dela iragarri du lehen ministroak.
Hurrengo igandeko goi-bileraren atarikoan –akordioa lortzea espero dute–, Europako herrialdeetako beste liderrekin hitz egin nahi du Mayk, etorkizuneko harremanean sakontzeko. Hori, hala ere, "brexit"-aren ostean negoziatzen hasiko da.
Erresuma Batuko lehen ministroak esan duenez, diputatuek "aste garrantzitsu" hau igaro ondoren eman beharko dute hitzarmenari buruzko iritzia, oraindik "xehetasun" batzuk ixtea falta da eta.
"Akordioak (Parlamentuan) galtzen badu, orduan Gobernua beste proposamenekin itzuli beharko da, eman beharreko hurrengo pausuak zehazteko, baina oraindik ez gara puntu horretara heldu", esan du.
Bere kontrako konfiantza-mozioari buruz ere hitz egin du Mayk. Esan duenez, ez dago Alderdi Kontserbadoreak beharrezkoak diren 48 eskaerak jaso dituenaren frogarik.
"Hau guztia ez doa niri buruz, baizik eta herrialdearentzat onena denaren inguruan. Ez dut arreta galduko negoziazio aste garrantzitsu honetan lan garrantzitsuena denean, hau da, herrialdearentzako akordio ona lortzea", azpimarratu du.
Lehen ministroak ohartarazi duenez, "lider aldaketa batek" ez lituzke negoziazioak erraztu, eta "'brexita' atzeratuta edo zapuztuta izatearen arriskua" handituko luke.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.