Karabanaren aurkako protestak Tijuanan, 'Inbasioari ez' lelopean
Ameriketako Estatu Batuetara iristeko asmoa duen migratzaileen karabanaren aurka protesta egin dute ehunka pertsonak Tijuanan (Mexiko). Donald Trump AEBko presidenteak muga blindatzeko agindua eman zuen, eta migratzaileak harrapaturik geratu dira hiri horretan. Besteak beste, “Inbasioari ez” edo “Mexiko mexikarrentzat” oihukatu dute manifestariek.
Tentsioa egunero gora egiten ari da. Manifestariek Mexikoko banderak astindu dituzte, ereserkia abesten zuten bitartean. Cuauhtemoc gobernatzailearen estatuaren aurrean, “Kanpora!” “Kanpora!” oihukatu dute, AEBko mugatik kilometro eskasera. “Inbaditzaileak!” edo “Mexiko, Mexiko!” bezalako leloak erabili dituzte, aldi berean buruzagiei etorkinak kanporatzeko eskatuz.
Heldu berriak “desordenatuak, eskergabeak” eta Tijuanarentzat “arrisku” bat direla salatu dute. Gainera, karabanak herrialdean zehar nola egin duen aurrera kritikatu dute. Milaka pertsona artatzeak Tijuanararentzako suposatu dezakeen kostu ekonomikoarekin kezkaturik agertu dira; izan ere, hirian hilabeteak itxaroteko prest azaldu dira migratzaileak.
“Ez ditugu Tijuanan nahi”, oihukatu dute manifestariek. 200 bat manifestari Benito Juarez aldi baterako aterpetxera heltzea eragotzi behar izan du Tijuanako Udaltzaingoak. Erdialdeko Amerikako ia 2.200 etorkin daude bertan.
Beste protesta bat karabanako kideen eta manifestarien arteko istiluekin bukatu zen Tijuanako hondartzetan duela astebete baino gutxiago.
Protestak Tijuanan (Mexiko). Argazkia: EFE
Egunero migratzaile gehiago eta gehiago heltzen ari dira hirira. Dagoeneko Erdialdeko Amerikako 3.000 etorkin baino gehiagok kaleak, plazak eta hondartzak hartu dituzte. 10.000 migratzaile baino gehiago iritsi daitezkeela uste du Gobernu federalak, baina hiria ez dago horretarako prest; ez dago hainbeste jende artatzeko baliabiderik, ezta azpiegiturarik ere.
Hiria karabana hartzeko prestaturik ez dagoela esan zuen Juan Manuel Gastelum Tijuanako alkateak. Asilo eskakizunek aurrera egin arte, hiriko kaleetan sei hilabete emateko prest agertu dira migratzaileak. Gastelumen hitzetan, “jende-oldea” da.
Donald Trump AEBko presidenteak Tijuana alkateari babesa eman dio, eta Ameriketako Estatu Batuetara heltzeko asmoa duten migratzaileei animoa kentzen saiatu da berriro.
Nahiz eta bertako bizilagun batzuek iraindu, migratzaileei elkartasuna adierazteko elkarretaratzeak ere egin dituzte. Indarkeriaren eta gosearen ondorioz aberritik ihes egiten ari direla argudiatu dute etorkinen defendatzaile askok. “Haurtzaroak ez du mugarik” bezalako leloak erabili dituzte pankartetan. Kontramanifestazioak Tijuanako kaleetan ibilbidea egin du.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.