Maduro botatzeko plan kolpista bat izatea leporatu die Venezuelak Estatu Batuei
Venezuelako Gobernuak berriz leporatu die Ameriketako Estatu Batuei Nicolas Maduro presidentea indarkeriazko ekintzen bitartez boteretik kentzeko plan bat izatea.
Adierazpen ofizial batean, iraultza bolivartarrak "berriz ere nazioartearen aurrean" salatu du "Ameriketako Estatu Batuetako Gobernuaren saiakera Nicolas Maduroren gobernu konstituzional eta demokratikoaren aurka estatu-kolpe bat egiteko".
Jorge Arreaza kantzilerrak sare sozialetan zabaldutako komunikatuan, Washingtonek "Estatu venezuelarraren erakunde legitimo eta demokratikoak" ez onartzea kritikatu dute.
"Azken egunetan, AEBko Gobernuko bozeramaileek aurkako zenbait ekintza eragin dituzte egia manipulatzen duten gezurreko usteen bitartez, Venezuelako erakundeen egonkortasuna eta bakea hausteko asmoz", adierazpenaren arabera.
Maduroren Exekutiboak zalantzan jarri du Ameriketako Estatu Batuek "Venezuelako botere publikoaren zenbait erakunderi baino ez ematea balioa"; oposizioak kontrolpean duen Parlamentua onartzen dute, baina Gobernua eta gertuko beste botereak kritikatzen dituzte.
Venezuelak esaten duenez, Ameriketako Estatu Batuek "eskualdeko mendeko gobernuak zaintzen dituzte, eta venezuelarren aurkako jazarpena eta blokeoa sakontzeko agindua ematen die", Limako Taldea osatzen duten Latinoamerikako hamalau herrialdeen adierazpenari erreferentzia eginez.
Aurreko astean, Madurori urtarrilaren 10ean kargua ez hartzeko eskatu zioten herrialde horiek. Ez dute Maduroren gobernua onartuko, oposizioko taldeek parte hartu ez zuten eta iruzurtzat hartzen dituzten hauteskundeetan irabazteagatik.
Venezuelaren arabera, 2002tik Ameriketako Estatu Batuek herrialdeko "Konstituzioaren eta legearen kontrako ekintza biolentoak sustatzen, laguntzen eta finantzatzen ditu, baliabide energetiko eta mineralen kontrola berreskuratzea ahalbidetuko dien botere aldaketa bat indarrez eragiteko".
Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.