Venezuelak Amerikako Estatu Batuen Erakundearen ebazpena kritikatu du
Venezuelako Gobernuak errefusatu egin du Amerikako Estatu Batuen Erankudea osatzen duten herrialdeen gehiengoak Nicolas Maduro presidente izendatzearen aurrean hartu duen jarrera. Herrialde gehienek ez dute onartu Maduroren zilegitasuna “aurrekari arriskutsua” dela uste baitute.
Madurok sei urteko karguaren zina egin bezain laster, Amerikako Estatu Batuen Erakundeak ezohiko bilera bat egin du Argentinak, Txilek, Kolonbiak, Costa Rica, Estatu Batuek, Peru eta Paraguaik aurkeztutako ebazpena eztabaidatzeko.
Azken dokumentua 19 herrialdek babestu zuten, Limako Taldea osatzen duten 14tik 13k, Ameriketako Estatu Batuek, Dominikar Errepublikak, Bahamak, Barbados, Jamaika eta Haitik, besteak beste. Halaber, Venezuela, Bolivia, Nikaragua, Saint Vicent eta Grenadinak, Surinam eta Dominikak aurka bozkatu zuten. Mexiko, San Kristobal eta Nieves, Trinidad eta Tobago, Uruguai, Antigua eta Barbuda, Belize eta El Salvador abstenitu egin ziren.
Venezuelako Gobernuak, komunikatu batean, ezohiko bilerako “emaitza ukatu” du. Gainera, maiatzean Maduro “Venezuelako herri soberanoak aukeratu” zuela errepikatu du oharrak. Hala ere, oposizioak eta Amerikako eta Europako herrialde askok, hauteskunde horietan iruzurra egin zela nabarmentzen dute.
Estatu Batuek “kanpaina kriminala sustatzeko eta erregimena aldatzeko” Latinoamerikan erabili duten “hertsadura praktika” salatu du Venezuelak baita ere.
Gainera, Maduroren Gobernuak eskerrak eman dizkie “ebazpena babestu ez duten herrialde lagunei”. “Herrialde horiek badakite justiziaren manipulazio horrek gure herrien bake eskubidearen aurka egiten duela eta arriskuan jartzen du Latinoamerika eta Karibeko egonkortasuna”, gaineratu du Venezuelak.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.