Muturreko hotzaldiak zortzi hildako utzi ditu AEBn
Muturreko hotzaldiak zortzi hildako utzi ditu jada AEBn, eta, gainera, gorputzeko zatiren bat izoztuta ospitalera joan direnen kopurua handitu egin da. Hala ere, tenperaturak zertxobait arinduko direla esan dute adituek.
AEBko hedabideek jakitera eman dutenez, zortzi pertsona hil dira Illinois, Wisconsin, Iowa eta Nebraska estatuetan, muturreko hotzaldia dela eta. Azkena Iowako Unibertsitatean hil da; ikasle bat hil da bertan.
AEBko Meteorologia Zerbitzu Nazionalaren arabera, hotz polarra Michigan, Indiana, Ipar Dakota, Hego Dakota, Illinois, Ohio, Minnesota, Wisconsin eta Nebraskan zehar zabaldu da. "AEBk berriki jasan duen hotzaldirik handiena izan da", gaineratu du.
Termometroak 40 gradu zero azpitik jaitsi dira; hortaz, arretaz ibiltzeko eskatu diete agintariek herritarrei.
Hotzaldiak 75 milioi estatubatuarri eragin zien atzo (asteazkena); hala ere, adituen arabera, AEBko lurraldearen % 85ean nabarituko da denboralea, hau da, 230 milioi pertsonak jasango dute hotzaldia, NBC News telebista kateak jakinarazi duenez.
Chicagon (Illinois), esaterako, baliteke tenperatura zero azpitik 40 graduraino iristea, eta sentsazio termikoa zero azpitik 56 gradukoa izan daiteke Dakota, Wisconsin eta Minnesotako hainbat lekutan.
Bestalde, 2.700 hegaldi bertan behera gelditu ziren asteartetik asteazkenera AEBko aireportuetan; horietako 1.500, esaterako, Chicagoko aireportuetan, FlightAware.com webgunearen datuen arabera. Illinoisko hiriburuak tenperatura minimoen markak hautsi ditu egun hauetan, eta baliteke ostegun goizean zero azpitik 27 graduraino iristea.
Donald Trump tenperatura minimoei eta klima aldaketari buruz aritu zen asteartean: "Non dago berotze globala? Itzul zaitez, behar zaitugu", idatzi zuen AEBko presidenteak Twitter sare sozialean duen kontuan.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.