Bi lagun atxilotu dituzte Venezuelan, sistema elektrikoa sabotatzeagatik
Nicolas Maduro Venezuelako presidenteak iragarri du bi lagun atxilotu dituztela, herrialde horretako sistema elektrikoaren aurka sabotajea egiteagatik. Iragan ostegunetik argi gabe daude Venezuelako hainbat tokitan.
"Bi pertsona harrapatu ditugu komunikazio sistema sabotatu nahian, argia berreskuratzeko prozesua eteteko asmoz edo", esan du Miraflores Jauregitik telebista bidez eman duten hitzaldian. "Preso eta hitz egiten daude", zehaztu du.
Astelehenean egindako adierazpenetan justizia ere eskatu zuen Madurok, eta erasoaren egileen aurkako neurriak hartzeko deia egin zien erakundeei.
"Sabotajeen egileak ez ezik, Venezuelan kalte erraldoia eragin duen erasoaren ideia izan zuten pertsonak ere zigortu behar ditu justiziak, bizitza eskubideari eta gure herrialdearen bakeari sastada sartu diotelako", berretsi zuen Venezuelako presidenteak.
Ildo horretan, Sistema Elektriko Nazionala erasotzeko hiru bide erabili dituztela azpimarratu zuen, "lasaitasuna eta bakea suntsitzeko helburuarekin".
Albiste gehiago mundua
45 pertsona zauritu dira, horietako bi larri, Erromako gasolindegi batean izandako leherketa batean
Ezbeharra Casilino inguruan gertatu da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia-agente, sei suhiltzaile, larrialdietako hiru langile eta karabineroetako agente bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.
Gazako genozidioa negozio biribila da herrialde askotako enpresentzat, NBEren txosten batek erakusten duenez
Francesca Albanesek armen, teknilogiaren, azpiegituren eta turismoaren industroako 50 bat konpainia aztertu ditu. Israelen okupazio-politikei etekina ateratzen dieten enpresen zerrendan CAF euskal enpresa dago.
Sanchezek uste du Sevillako Biltzarrak"elkarlanaren garra bizirik" mantendu duela "berekoikeriaren" aurrean
Espainiako Gobernuko presidenteak amaiera eman dio azken astean Sevillan egin den NBEren Garapenerako Finantziazioari buruzko IV. Biltzarrari. Sanchezek mezua bidali dio AEBri, garapen bidean dauden herrialdeei bere ekarpena murrizteko asmoagatik. "Nazioarteak ez du amore emango hondamendiaren aurrean, ezta desengainuaren aurrean etsi ere", azpimarratu du.
Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.
Askatasunaren Flotillak Netanyahu salatu du Auzitegi Nazionalean, itsasontzi humanitarioa abordatzeagatik
Sergio Toribio aktibistak jarri du kereila, eta azaldu duenez, nazioarteko uretan bahitu eta Tel Avivera eraman zituzten, legearen kontra.
Sutea izan da Greziako Kreta uhartean, eta 5.000 pertsona baino gehiago etxetik irtenarazi dituzte
Nektarios Papadakis Ierapetra udalerriko alkateordearen arabera, sugarrek inguruko hainbat etxe kiskali dituzte. "Kalte handiak izan ditugu", azpimarratu du Papadakisek. Gaineratu du suak basoak eta olibondo-sailak ere erre dituela. Orain arte, kostaldeko bost herri hustu behar izan dituzte.