Soldadu ohi bakarra akusatu dute Igande Odoltsuko sarraskiagatik
Igande Odoltsua Derryn gertatu eta ia 50 urte geroago, ikertutako 17 soldadu ohietatik bakarra akusatu dute bi zibil hiltzea egotzita. Ipar Irlandako gatazkan gertakaririk ilunenetarikoa izan zen.
'F Soldadua' auzitara eramango dutela iragarri du Ipar Irlandako Fiskaltzak ostegun honetan. Oraingoz soldaduak anonimotasuna mantenduko du. Derryn (Ipar Irlandako ipar-mendebaldean), 1972ko urtarrilaren 30ean, bi pertsona hiltzea eta beste lau hiltzen saiatzea egotzi dio.
Egun hartan, Erresuma Batuko soldaduek 14 zibil errugabe hil zituzten katolikoen eskubideen aldeko manifestazio batean. Soldaduen jokabidea “justifikaziorik izan” ez zuela ebatzi zuen ikerketa ofizial batek 2012an.
Hala ere, Fiskaltzaren erabakiak ez ditu aldeak asebete. Horrela, gatazkaren legatua argitzeko mekanismoak bake prozesurako oztopo nagusia direla agerian geratu da.
'F Soldadua'ren akusazioa “lorpen ikaragarria” dela uste dute biktimen familiek, baina aldi berean “desengainua” hartu dute, “arduradun guztiak” ez direlako Justiziaren aurrean eseriko. Londreseko Gobernuaren ahotan, ordea, auzipetuak izateko “beldur etengabearekin bizitzerik” ez dute soldaduek.
Gavin Williamson Defentsa ministro kontserbadoreak gaur baieztatu duenez, Exekutiboak susmagarriaren gastu legalak ordainduko ditu, eta “laguntza sozial eta pastorala” eskainiko dizkio.
Karen Bradley eskualderako ministroak polemika handia piztu zuen iragan astean. Segurtasun indarrek gatazkan eragindako hildakoak “ez dira krimenak”, esan zuen Bradleyk. Gutxi geroago atzera egin eta barkamena eskatu zuen.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".