Europar Batasunak 'brexit'a atzeratzea onartu du eta bi data ezarri ditu
Ia sei orduz batzartuta egon ostean, Europar Batasuneko gobernuburuek aho batez onartu dute brexit-aren data atzeratzea eta, ildo horretan, Donald Tusk Europako Kontseiluko presidenteak jakinarazi du berehala bilduko dela Theresa May lehen ministro britainiarrarekin.
Europar Batasunak bi data ezarri dizkio Erresuma Batuari: maiatzaren 22a eta apirilaren 12a.
Parlamentu britainiarrak Theresa Mayk Bruselarekin adostu zuen akordioa onartuz gero, brexit-a gauzatzeko epea maiatzaren 22a arte luzatuko dute. Datorren astean egingo dute beste osoko bilkura bat Londresen.
Alabaina, Komunen Ganberak itun hori berriro errefusatzen badu, Mayk erabaki bat hartuko beharko du apirilaren 12a baino lehen: hauteskundeak deitzea edo Europar Batasunetik inolako akordiorik gabe ateratzea.
Azkenean, hauteskundeak deituz gero, Gobernu britainiarrak bere asmoak zeintzuk diren argitu beharko dio Bruselari, eta honek brexit-erako epea bost urteraino, hots, Europako legealdia amaitu arte, luzatzea erabaki lezake.
Albiste gehiago mundua
Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
AEBk Qatarren duten basearen aurkako erasoa iragarri du Iranek
Erasoaren inguruko xehetasunik ez du eman, baina leherketak entzun dira Qatarreko hiriburuan. Al Udeid aire-basea 1996an eraiki zen eta Estatu Batuetako Aginte Zentralaren kuartela da. Herrialde iparramerikarrak eskualdean duen base handiena da, 10.000 soldadu ingururekin.
Rubin behatokiak "inoiz egin den gaueko zeruari buruzko filmik osoena" izango denaren lehen irudiak argitaratu ditu
Irudi hauek "time-lapse" baten hasiera dira, hamarkada batez zeru australa kartografiatu ondoren osatuko dena. Energiaren eta materia ilunaren ezaugarriei, Esne Bidearen eraketari, eguzki-sistemako gorputz txikien propietateei eta arriskutsuak izan daitezkeen asteroideen ibilbideei buruzko galderetan sakontzea ahalbidetuko du bideo honek.
Iranek AEBri erantzun dio, Qatarreko Al Udeid base estatubatuarraren aurka misilak jaurtita
Horrela, Iranen kontraerasoa eskualdean gerra eskalatzen ez jarraitzeko diseinatu dela uste da; izan ere, aldez aurretik jakinarazi du, eta, ondorioz, Al Udeid basea partzialki hustu ahal izan dute erasoaldia gertatu baino lehen. Trumpek berak ere baieztatu du Teheranek aldez aurretik jakinarazi diela bonbardaketa, eta eraso "oso ahula" izan dela erantsi du.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".