Akordioa Londresen onartzea 'brexit'a luzatzeko baldintza bezala jarri du Tuskek
Erresuma Batua Europar Batasunetik (EB) ateratzeko negoziazioen luzapen labur bat posible dela esan du gaur Donald Tusk Europako Kontseiluaren presidenteak, baina horretarako Londresek eta Bruselak adostutako akordioa aldez aurretik berretsi beharko du Komunen Ganberak.
“Aurreko egunetan izandako elkarrizketen arabera, luzapen labur bat posible izango dela uste dut, baina Komunen Ganberak akordioa babestu beharko du lehenago”, adierazi du Tuskek prentsaurrekoan, Theresa May Erresuma Batuko lehen ministroarekin telefonoz hitz egin ondoren.
Luzapenaren iraupena oraindik “zehaztu barik” dagoela erantsi du Tuskek, nahiz eta Mayk gaur 'brexit'a ekainaren 30era arte atzeratzea eskatu gutun batean.
“May lehen ministroaren proposamenak alde positiboak ditu, baina zalantza legal zein politikoak ere. Buruzagiek bihar eztabaidatuko dute”, azaldu du Tuskek, ostegun honetan, Bruselan, hasiko den goi-bilerari erreferentzia eginez.
Komunen Ganberak Erresuma Batuaren irteera atzeratzea babestu zuen iragan ostegunean. Lehen ministro britainiarrak luzapena eskatu du asteazken honetan.
Atzerapena aho batez babestu ala errefusatu beharko dute EBko buruzagiek. Ostegun honetako goi-bileran aztertuko dute, Bruselan.
Mayk proposatutako data problematikoa izan daiteke, Erresuma Batuak Europako Parlamenturako hauteskundeak ez egitea erabakitzen baldin badu.
EBko arauen arabera, Europar Batasuneko Estatu kide guztiak Europako Parlamenturako bozketa antolatzera beharturik daude, eta ekainaren 30era arte luzatzea erabakitzen baldin bada, Erresuma Batua legedia urratuko luke hauteskundeak egiten ez baldin baditu, nahiz eta uztailaren 2an Euroganbera osatzen denerako EBtik kanpo izan.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.