Idai zikloiaren kaltetuei laguntzeko erreskate lanak areagotu dituzte Afrikan
Afrikan hego-ekialdean, Idai zikloiaren kaltetuei laguntzeko lanean jarraitzen dute. Azken orduetan, gainera, areagotu egin dituzte erreskate eta laguntza lanak. Zenbaki ofizialen arabera, dagoeneko 350 dira hildakoak Mozambiken, Zimbabwen eta Malawin eta 1,5 milioitik gora, ostera, kaltetutakoak.
Oraindik ez dago hondamendiaren benetako tamainaren inguruko daturik. Hala ere, nazioarteko hainbat erakundek ohartarazi dutenez, litekeena da Idai zikloia hego hemisferioko hondamendi meteorologiko larriena izatea. Izan ere, oraindik agintariek ez dute ur azpian dauden toki batzuetara iristerik lortu. Save the Children nazioarteko erakundeak azken egunetan iradoki duenez, hildakoak dozenaka milatik gora izan daitezke.
Mozambikeri dagokionez, 217 dira hildakoak, Celso Correia Mozambikeko Lur eta Ingurumen ministroak ostegun honetan jakinarazi duenez. Gainera, kaltetuen artean 260.000 haur daudela jakinarazi du Unicef Nazio Batuen Haurren Laguntzarako Funtsak.
Idai zikloiak iragan ostegunean ukitu zuen lurra Beiran (Mozambike) eta handik Zimbabwera mugitu zen.
Nazio Batuen erakundeak atzo emandako datuen arabera, 102 pertsona hil dira Zimbabwen, baina datozen egunetan hildakoen kopuruak gora egingo duela aurreikusten da.
Emmerson Mnangagwa Zimbabweko presidenteak atzo adierazi duenez, helikopteroak bakartuta dauden herrietan laguntza banatzen hasiko dira, "klima aldekoa" dela baliatuta.
Erreskate lanak zailak izaten ari dira, lainoak, behe-lainoa eta euria tarteko.
Malauik, ostera, zikloiaren aurreko ekaitz tropikalaren ondorioak pairatu ditu eta gutxienez 56 pertsona hil dira.
Munduko Osasun Erakundeak premiazko mediku laguntza bidali du Mozambike, Zimbabwe eta Malawiko osasun beharrei erantzuteko. Bestalde, Munduko Bankuak 90 milioi euroko laguntza iragarri du eta Afrikako Batasunak 350.000 dolar bidali ditu.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.