Idai zikloia hego hemisferioko hondamendi meteorologiko larriena izan liteke
Azken egunotan Afrika hegoaldea astindu duen Idai zikloia hego hemisferioko hondamendi meteorologiko larriena izan liteke, NBEko arduradunek ohartarazi dutenez.
Mozambiken 1,7 milioi pertsona zeuden txikituta geratu den eremuan; Malawin, 920.000 ziren, Herve Verhoosel Elikagaien Nazioarteko Programaren bozeramailearen hitzetan. Zimbabweko daturik ez dute jakinarazi.
"Han dagoen jendeak esaten diguna da munduak ez dakiela oraindik hondamendiaren tamaina norainokoa den", esan du Matthew Cochrane Gurutze Gorriko eta Ilargi Gorriko Nazioarteko Federazioaren bozeramaileak. "Izugarrikeria, bere osotasunean, datozen egunetan ezagutaraziko da", erantsi du.
Lola Castro Elikagaien Nazioarteko Programaren Mozambikeko arduradunak nabarmen duenez, euriteek sei metroko uholdeak eragin dituzte, "txikizioa izan da" gune askotan.
Buzi ibaiak gainezka egin du, eta ehunka pertsona hil dira. Pungoe eta Save ibaiek ere gainezka egitea espero da datozen 72 orduetan.
Mozambikeko agintariek emandako biktimen balantze ofizialaren arabera, 84 pertsona hil dira, baina Filipe Nyusi presidenteak astelehenean, hondamendiaren eremua airetik ikusi ostean, iradoki zuenez, 1.000tik gora izan daitezke. Zimbabwen, berriz, 98 hildako eta 200 desagertu daude, baina horiek ere behin behineko zifrak dira.
Bi ume, Sofalako (Mozambike) urpetutako kale batean. Argazkia: EFE
Hildakoen kopuruak gora egitea espero da
"Aurreikuspen beltzenak betetzen badira, hego hemisferioko hondamendi meteorologiko eta zikloi tropikal larriena izango da honakoa", adierazi du Clare Nullis Munduko Meteorologia Erakundeko bozeramaileak.
Caroline Haga Gurutze eta Ilargi Gorriko Nazioarteko Federazioaren kidearen hitzetan, "NASA eta Europako Espazio Agentziarekin lanean ari gara satelite bidezko informazioa lortzeko; hartara, txikitutako guneak identifikatu eta bertan harrapatutako pertsona kopurua zehaztu ahalko dugu. Eremu handiak dira, ziurrena gora egingo du biktima kopuruak".
Idai zikloiak utzitako hondamendia, airetik ikusita:
Mozambikeko gune garaietan ehunka dira harrapatuta daudenak, Gerald Bourke Elikagaien Nazioarteko Programaren kidearen arabera. "Ez dakigu zenbat diren hildakoak, baina urpetutako eremua oso zabala da. Kilometroak eta kilometroak dira", zehaztu du.
"Mozambikeko balantzea beldurgarria da. Leku askotan ez dira ikusten arbolen adaburuak eta teilatuak ere. Beste batzuetan, jendea teilatuetan dago, laguntza noiz helduko zain", esan dute Save the Childrenetik.
Zure interesekoa izan daiteke
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.