Bere plana onartuz gero, dimisioa emango duela iragarri die Mayk alderdikideei
Europar Batasunarekim (EB) negoziazioen bigarren fasea hasi baino lehen dimisioa emango duela iragarri dio Theresa May Erresuma Batuko lehen ministroak bere talde parlamentarioari asteazken honetan, diputatu batek aurreratu duenez. Trukean brexit-aren akordioa babestea eskatu die Mayk.
“Negoziazioaren hurrengo fasean karguan jarraituko ez” duela agindu die buruzagi kontserbadoreak, James Cartlidge diputatuak jakitera eman duenez. Parlamentuko areto batean bilera egin dute kontserbadoreek.
“Akordioaren aldeko botoa ematen baldin baduzue, gure artean inolako eztabaidarik izan gabe bigarren fasean murgilduko naizela uste duten pertsonak daudela badakit. Ez dut egingo. Esaten ari zaretena entzun dut”, iragarri du Mayk Wenstminsterreko 1922 Batzordean.
“Akordioa babestea eskatzen diot areto honetako mundu guztiari, herri britainiarraren erabakia onartzeko eginbehar historikoa bete behar dugulako, Europar Batasunetik modu gozo eta ordenatuan ateratzea”, nabarmendu du.
Ondoren, espero baino lehen kargua uzteko “prest” agertu da May, “alderdiarentzako eta herrialdearentzako egokiena egiteko”. “Brexit-aren bigarren fasea negoziatzeko ikuspuntu berri bat nahi dela badakit, ez naiz bidean oztopo izango”, adierazi du.
Bestalde, Eskoziako Parlamentuak mozio sinboliko bat onartu du asteazken honetan, Komunen Ganberari brexit-a geldiaraztea eskatzeko, EBri bigarren erreferendum bat egiteko luzapen bat eskatzen ez baldin badiote.
Alderdi Berdeak aurkeztutako mozioa babestu du Ganberak. Ekimenak aldeko 89 boto eta kontrako 28 izan ditu. Galdeketa berri bat baldin badago, Europar Batasunean jarraitzeko aukera boto-txartelean izan behar dela zehaztu du mozioak.
Mozioaren testuak azaltzen duenez, “Erresuma Batuak, EBn jarraitzeko aukerarekin, bozketa antolatu eta egin ahal izateko brexit prozesua luzatzea lortzen ez baldin badu”, Lisboako Itunaren 50. artikulua atzera bota beharko lukete.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.