'Brexit'aren plan alternatiboak aztertzeko bozketa behartu du Komunen Ganberak
Theresa May lehen ministro kontserbadoreak defendatzen duen brexit akordioaz haratago, egitasmo alternatiboak aztertzeko bozketa behartu du gaur Erresuma Batuko Parlamentuak. Diputatuek beste aukerak asteazkenean hausnartuko dituzte.
329 diputatuk zuzenketa babestu dute; 302k, ostera, kontrako botoa eman dute. Horrela, brexit-aren gaineko kontrol parlamentarioa areagotzeko klausula onartu du Komunen Ganberak. Hala ere, asteazkeneko bozketa Gobernuarentzat ez da loteslea izango.
Egitasmo alternatiboen zerrenda oraindik ez dute itxi, baina EBtik akordiorik gabe ateratzea, bigarren erreferendum bat, merkatu bakarrarekin harreman estuago bat negoziatzea edo haustura bertan behera uztea aukeren artean egotea litekeena da.
Mayk ez du ziurtatuta Parlamentuaren babesa eta, ondorioz, oraingoz ez du deituko Erresuma Batua Europar Batasunetik ateratzeko Bruselarekin egin zuen akordioa hirugarren aldiz bozkatzeko saioa.
Komunen Ganberak bi aldiz bota du atzera itun hori, urtarrilaren 15ean eta martxoaren 12an. Testuinguru horretan, Gobernu britainiarrak brexit-a atzeratzea eskatu zuen eta Europar Batasunak bi data ezarri dizkio: apirilaren 12a eta maiatzaren 22a.
Parlamentu britainiarren babesa lortuz gero, brexit-a maiatzaren 22an gauzatuko da; adostasunik ez badago, Gobernu britainiarrak plan alternatiboa bat aurkeztu beharko du apirilaren 12rako, Europar Batasunetik akordiorik gabe ateratzea saihesteko.
Halaber, Europar Batasunak onartutako atzeratze hori indarrean sartzeko legedian egindako aldaketa bozkatu behar dute Parlamentu britainiarrean, eta taldeek atzera bota arren, Erresuma Batua ez da Europar Batasunetik martxoaren 29an aterako, kasu honetan EBko araudia gailenduko litzatekeelako.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.