Taiwan, sexu bereko pertsonen ezkontzak baimentzen dituen lehen herrialdea Asian
Taiwango Parlamentuak sexu bereko pertsonen arteko ezkontzak legeztatu ditu ostiral honetan. Gauzak horrela, homosexualen arteko ezkontza onartu duen Asiako lehen herrialdea bihurtu da.
Alderdi Demokratiko Aurrerakoiaren diputatuek gehiengo zabalarekin onartu dute sexu bereko bikoteei ezkontza eskubidea aitortzen dien legea. Hala, neurriak aurrera ateratzeko babes nahikoa lortu du, aldeko 66 boto eta kontrako 27 jasota. Sexu bereko pertsonak herrialdean ezkondu ahal izateko, Tsai Ing Wen Taiwango presidenteak neurria aldarrikatu behar du.
Bitartean, euria bota duen arren, sexu bereko pertsonen arteko ezkontzak legeztatzea eskatzen zuten milaka pertsona elkartu dira Taiwango Parlamentuaren aurrean, eztabaida historikoa zuzenean jarraitu nahi izan dutelako. ‘Asiako lehengoa’, oihukatu dute herritar askok, aldean LGTBI kolektiboaren aldeko ikurrak zituztela.
Urtebetez luzatu den eztabaidaren ostean, ostiral honetan egin dute sexu bereko bikoteei ezkontza eskubidea aitortzearen inguruko bozketa. 2017an, Taiwango Justizia Auzitegi Gorenak Konstituziotik kanpo utzi zuen sexu bereko pertsonen arteko ezkontza debekatzen zuen legea, eta 2019ko maiatzaren 24a iritsi aurretik legeztatzeko agindua eman zuen.
Hortaz, legea proiektua onartuta, aitzindaria da Asian, homosexualen arteko ezkontza onartu duen lehen herrialdea baita kontinentean. Besteak beste, Txinak eta Hong Kongek homosexualen arteko ezkontzak debekatzen dituzte. 2017an, sexu bereko pertsonen arteko ezkontzak baimendu zituzten Australian.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.