Europako Parlamentuak presidente berria izendatzeko bozketa egingo du gaur
Europako Parlamentuko osoko bilkurak ganberako presidente berria aukeratuko du gaur. Aurreikuspenen arabera, datozen bi urte eta erdian David Maria Sassoli hautagai sozialdemokrata italiarra izango du gidari. Atzo, Europar Batasuneko (EB) estatuburu eta gobernuburuek EBko karguen banaketa adostu zuten.
Europako Alderdi Popularra eta sozialdemokratak ados jarri dira Europako Parlamentuko presidentetza bien artean banatzeko, Manfred Weber kontserbadore alemaniarrak aurreratu duenez. Manfred Weber Europako Batzordeko presidente izateko hautagai kontserbadorea zen, baina azkenean oso litekeena da bi urte eta erdiz Europako Parlamentuko presidente izatea.
Beraz, Weberren arabera, hautagai sozialdemokrata izango da ganberako gidari legegintzaldiaren lehen bi urte erdian eta hautagai kontserbadorea, ostera, bigarrenean.
David Maria Sassoli ez ezik, hauek ere aurkeztu dituzte Europako Parlamentua gidatzeko: Ska Keller alemaniarra (Berdeen hautagaia), Jan Zahradil txekiarra (kontserbadore eta erreformisten presidentea) eta Sira Rego espainiarra (Unidas Podemoseko europarlamentaria). Oraingoz hautagaiak lau badira ere, bozketa eta bozketa artean hautagai berriak aurkeztu eta erretiratu daitezke.
Osoko bilkura 09:00etan hasiko da hautagaien hitzaldiarekin; bakoitzak bost minutuko tartea izango du. Ondoren, bozketen erronda hasiko da.
Albiste gehiago mundua
Israelek 500 pertsona baino gehiago hil ditu azken bost egunetan Gazan
Gaur goizean bertan, Israelek gutxienez hiru pertsona hil ditu Gazan dagoen parrokia katoliko bakarraren aurka egindako bonbardaketan. Eliza ehunka errefuxiaturen babeslekua da.
Coca-Colak kanabera azukrea erabiliko du AEBn merkaturatzen dituen freskagarrietan, Trumpek eskatuta
"Coca-Colan erantzukizuna duten guztiei eskerrak eman nahi dizkiet. Oso erabaki ona izango da. Ikusiko duzue. Hobe da, besterik ez!", esan du AEBko presidenteak.
Erresuma Batuak 16 urtera jaitsi du botoa emateko adina
Neurria 2029rako aurreikusita dauden hauteskunde orokorrak baino lehen sartuko da indarrean. 1969an adin hori 21 urtetik 18ra jaitsi zenetik egin den hauteskunde-erreformarik handiena da.
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.