Von der Leyen, Michel eta Lagarde, Batzordeko, Kontseiluko eta EBZko zuzendari
Ursula von der Leyen Alemaniako Defentsa ministroa aukeratu dute astearte honetan Europako Batzordeko presidentea izateko, igandetik bileraz bilera ibili ostean Europar Batasuneko gobernuburuak eta estatuburuak EBko karguen banaketa negoziatzen.
Von der Leyen (60 urte) 2013tik da Alemaniako Defentsa ministroa, eta Angela Merkel kantzilerraren CDU alderdiko presidenteordea. Von der Leyenek Europako buruzagien oniritzia lortu du, negoziazio luze eta tirabiratsuetan; izan ere, asteartean goi-bilera bertan behera utzi behar izan zuten.
Alemaniarraren izendapenak, gainerako kargudunenak bezalaxe, Europako Parlamentuaren oniritzia jaso behar du oraindik.
Alemaniako ministroa ez zegoen goi-kargudunen kinielan, eta asteleheneko blokeoaren ostean bakarrik planteatu zuten. Visegrado taldea (Hungaria, Polonia, Txekiar Errepublika eta Eslovakia) eta Italia Frans Timmermans hautagai sozialistaren aurka agertu ziren.
Timmermans Europako Batzordeko presidente izendatzeko proposamena Donald Tusk Europako Kontseiluko presidenteak egin zuen, Espainiako, Frantziako, Herbehereetako eta Alemaniako ordezkarien oniritziarekin.
Bestalde, Charles Michel Belgikako jarduneko lehen ministro liberala Europako Kontseilua zuzentzeko aukeratu dute EBko buruzagiek. Bruselako goi-bilerak hiru egun iraun du.
Gainera, EBko estatuburuek eta gobernuburuek Christine Lagarde Nazioarteko Diru Funtseko (NDF) zuzendaria proposatu dute Europako Banku Zentraleko (EBZ) presidente izateko.
EBZ zuzentzeko izendatu dutela eta, "ondraturik" agertu da Lagarde, eta NDF "aldi baterako" uztea erabaki du.
Lagarde akusatuen aulkian eseri zen Frantzian, 2008an ministro zela Bernard Tapie enpresaburu polemikoari emandako kalte-ordain batean izan zuen erantzukizunagatik.
Hain zuzen ere, epaiketa hori da Lagarderen ibilbideko orban handiena. Azkenean, zabarkeriagatik zigortu zuten, eta, praktikan, ez zioten inolako zigorrik ezarri.
Akusatuaren "nazioarteko ospea" eta "nortasuna" kontuan hartuta, Frantziako Errepublikako Justizia Auzitegiko magistratuek zigorrik ez jartzea erabaki zuten.
Josep Borrell, Espainiako jarduneko Atzerri ministroa. Argazkia: EFE/Stephanie Lecocq
Bestalde, Josep Borrell Espainiako jarduneko Atzerri ministroa EBren Kanpo Politikarako goi-ordezkaria izatea adostu dute buruzagiek.
72 urteko politikari sozialista Europako Parlamentuko presidentea izan zen 2004a eta 2007a bitartean, eta Pedro Sanchezen Gobernuko Atzerri ministroa da 2018ko ekainetik. Federica Mogherini Italiako sozialista ordezkatuko du karguan.
Manfred Weber Alemaniako politikariak karguen banaketari uko egin dio, nahiz eta Europako Alderdi Popularraren hautagai nagusia izan. "Nire bidaia hemen hasi zen iragan irailean zerrendaburu gisa, eta hemen bukatzen da", esan du Weberrek, haren bozeramaile batek Twitter sare sozialean azaldu duenez.
"Europa demokratiko baten alde borrokan jarraituko dut", adierazi du Weberrek. Europako Alderdi Popularrak zerrendaburu izendatu zuen 2018an, hauteskundeen ostean erakundeak berritzeko. Jokoan ziren goi-karguetako bat bereganatzeko faboritoa zen.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.