AEBk zigor gehiagorekin mehatxatu du Iran, itun nuklearra urratuko duela eta
Ameriketako Estatu Batuek (AEB) zigor gehiago ezartzearekin mehatxu egin diote Irani, 2015eko itun nuklearra urratuko duela iragarri ostean. AEBko Gobernua duela urtebete atera zen Iranen programa nuklearra mugatzeko itunetik.
"Programa nuklearraren azken handiagotzeak bakartzea eta zigorrak ekarriko dizkio Irani. Herrialdeek Irango programa nuklearra ez aberasteko irizpide tradizionala berrezarri behar dute", adierazi du Mike Pompeo AEBko Estatu idazkariak bere Twitter kontuan.
Diplomazia buruaren esanetan, "Irango erregimena munduarentzat mehatxu handiagoa litzateke baldin eta arma nuklearrak balitu".
Donald Trump presidente estatubatuarrak, ostera, tentuz ibiltzeko eskatu dio Irani. Kazetarien aurrean egindako adierazpenetan azaldu duenez, Iranek ez ditu "inoiz arma nuklearrak izango".
Irango Gobernuak, bere aldetik, 2015eko akordio nuklearrak zehaztutako kopuruaren gainetik (% 3,6) uranioa aberasten hasiko dela iragarri du igande honetan. Pixkanaka-pixkanaka aterako da hitzarmenetik. Zehazki, 60 egunetik behin atzera egingo du baldin eta Europak Iran nazioarteko merkatuetan berriro sartzea bermatzeko "ekimen berriak" abiatzen ez baditu. Abbas Aragchi Irango Atzerri Gaietarako ministro ordearen esanetan, ordu gutxi barru hasiko dira % 3,67tik gora uranioa aberasten.
Zure interesekoa izan daiteke
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.