Mila manifestari atxilotu dituzte Moskun, hauteskunde justuak eskatzeko martxa batean
Errusiako Poliziak mila manifestari baino gehiago atxilotu ditu larunbat honetan Mosku erdigunean, baimendu gabeko martxa batean “hauteskunde askeak eta justuak” eskatzen zituztenean. Izan ere, irailean izango diren udal hauteskundeetan parte hartu nahi duten oposizioko 57 hautagairi izena ematea galarazi die hauteskunde batzordeak.
Protesta hasi aurretik, udal hauteskundeetarako izena eman nahi zuten oposizioko hautagai batzuk atxilotu dituzte, tartean Dmitri Gudkov diputatu ohia, Ivan Zhdanov Navalni ustelkeriaren aurkako funtseko zuzendaria, eta Yulia Galiazmina.
Alexei Navalni oposizioko burua uztailaren 24an atxilotu zuten, eta 30 eguneko atxiloaldia betetzen ari da, herritarrak gaurko manifestazioan parte hartzera deitzea leporatuta. Liubov Sobola ere hiriaren erdigunean atxilotu dute. Navalniko kolaboratzaile estua dena, gose greban dago gaur egun, irailaren 8ko udal hauteskundeetan hautagai gisa aurkeztea debekatu diotelako Moskuko agintariek.
Istiluen aurkako agenteek gaurko manifestazioan izan diren herritarrak sakabanatu dituzte, aurreko larunbateko martxan -baimenduta zegoena- milaka herritar bildu ostean. Poliziaren arabera, 12.000 manifestari elkartu ziren egun horretan, eta 22.400 herritar, berriz, manifestariak zenbatzean aditua den Contador Blanco elkartearen esanetan.
Hauteskunde justuak eskatzeko martxa, Mosku erdigunean. Argazkia: EFE
Larunbat honetan 3.500 lagun zenbatu ditu Moskuko Poliziak, baina bestelako iturriek oraindik ez dituzte parte-hartze datuak eman. Tverskaya kaleko erdialdean, Moskuko udaletxea dagoen lekuan, ehunka furgoi polizial aparkatu dituzte etorbidearen bi aldeetan, atxilotuak berehala eramateko.
Manifestariak oso haserre agertu dira Moskuko agintariekin, oposizioko 60 bat hautagairi irailaren 8an izango diren udal hauteskundeetara aurkeztea galarazi dietelako. Gauzak horrela, “lotsagarria”, “Errusia askea izango da” edota “Putin, lapurra” bezalako oihuak entzun dira behin baino gehiagotan Mosku erdigunea zeharkatu duen martxan.
Oposizioak azken asteetan jasotako milaka sinadurak manipulatzea leporatu die Moskuko agintariei. Antza denez, sinadura horiek erregistro elektronikoan islatzerakoan akats ugari egin dituzte. Bien bitartean, Moskuko hauteskunde batzordeak argi eta garbi esan du oposizioko hautagaiek iruzur egiten saiatu direla, existitzen ez diren 10.000 pertsona inguru zerrendetan sartu dituztelako.
Errusiako oposizio demokratikoak, 2021eko hauteskundeetan Errusiako Diputatuen Ganberara sartu ahal izateko lehen urrats gisa ikusten ditu irailean izango diren udal hauteskundeak.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.