Brasilek armada bidali du Amazoniako suteei aurre egiteko
Suak itzali gabe jarraitzen du Amazonian. Jair Bolsonaro Brasilgo presidenteak garrei aurre egiteko armada bidaltzea erabaki du azkenean, lekuko gobernuek egindako eskariei eta nazioarteko presioari erantzunez.
Azken egunotan Biarritzen bildutako G7ko agintariek ere gaia landu dute eta beren atsekabea azaldu dute. Esaterako, Emmanuel Macron Frantziako presidentea kaltetutako herrialdeei laguntza teknikoa eta ekonomikoa emateko prest agertu da.
Orain arte, 80.000 foku inguru zenbatu dituzte Brasilen, 2013tik zenbakirik altuena.
Bolsonarok ostiralean iragarri zuenez, bere Gobernuak armadaren hegazkinak bidaliko ditu Brasilgo zazpi estatutara. Nazioartearen kritika gogorrek Brasilgo presidentea mugiarazi dute. Izan ere, Gobernua ez zela ezer egiten ari salatu zuten. Rondonia estatuaz harago, ordea, Gobernuak ez du sua itzaltzeko operatiboari buruzko xehetasunik eman.
Bestalde, Bolsonarok bere Twitter kontuaren bitartez jakinarazi duenez, Benjamin Netanyahu Israelgo lehen ministroak laguntza eskaini dio eta onartzea erabaki du.
Evo Morales Boliviako presidenteak, bere aldetik, sua itzaltzeko nazioarteko laguntza oro ongi etorria izango dela adierazi du azken orduotan. "Kooperazio oro ongi etorria izango da, izan nazioarteko erakundeena, norbanakoena edota presidenteena", ABI albiste agentziak Evo Morales presidentearen adierazpenak jasoz zabaldu duen informazioaren arabera.
Halaber, G7ko agintariek eskainitako laguntza txalotu du eta Boliviara bidaiatzeko gonbita egin die buruzagiei. "Emmanuel Macron presidentea eta haren kideak Boliviara etortzera gonbidatzen ditugu, kooperazio konpromisoak zuzenean gauzatu ditzaten", azaldu du Twitterreko bere kontuan.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.