SUTEA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Sutea izan da New Delhiko legez kanpoko lantegi batean eta 43 pertsona hil dira

Erreskate taldeek esan dutenez, barrutik zigilatutako leihoak aurkitu dituzte eta langileak bizi ziren gelatan ez zegoela nahikoa aireztapenik.
18:00 - 20:00
43 pertsona hil dira New Delhin, lantegi batek su hartuta
author image

AGENTZIAK | ERREDAKZIOA

Azken eguneratzea

Sute handi bat izan da gaur goizaldean Indian, New Delhi hiriko lantegi batean eta 43 lagun hil eta 50 zauritu dira, gehienak eraikinean bertan lo egiten zuten langileak.

Agintariek jakitera eman dutenez, zirkuitulabur bat egon daiteke sutearen abiapuntuan. Antza denez, legez kanpokoa zen lantegia eta ez zuen ez baimenik ezta inolako segurtasun neurririk ere.

Suhiltzaileez gain, erreskate taldeko kideak ere aritu dira lanean eta horien bozeramaileak esan du barrutik zigilatuta aurkitu dituztela leihoak eta langileak bizi ziren gelek ez zutela nahikoa aireztapenik.

Kea arnasteagatik hil dira gehienak eta horregatik zauritu dira ospitaleratuta dauden pertsona gehienak ere. Agintariek ez dute jakitera eman zein den horien egoera.

1997an Uphaar zineman izan zen sutean 59 pertsona hil ziren. Orduko haren atzetik gaurkoa da honelako tragediarik handiena.

Narendra Modi Indiako lehen ministroak doluminak eman dizkie biktimen senideei eta gertatua "bereziki gogorra" izan dela esan du. Zaurituak lehenbailehen sendatzea espero duela ere adierazi du eta agintariek behar duten laguntza guztia emango dietela.

Amit Shas Barne ministroak ere doluminak helarazi dizkie senideei.

43 pertsona hil dira New Delhin, lantegi batek su hartuta
Munduko albisteak Suteak Lana Eguneko Titularrak Asia India Giza eskubideak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X