Iowako 'caucus'aren emaitzak eman ezinik abiatu ditu primarioak Alderdi Demokratak
Alderdi Demokratak gorabeherekin abiatu ditu Iowa estatuko (Ameriketako Estatu Batuak, AEB) 'caucus' edo barne-hauteskundeak. Zenbaketan "arazoak" antzeman dituztela-eta, oraingoz emaitzen berri ez ematea erabaki dute; are, ez dute zehaztu noiz jakinaraziko dituzten. AEBko presidentegaia aukeratzeko bidean egiten diren hauteskunde bereziak dira 'caucus'ak.
"Argi dago zerbait txarto atera dela", adierazi diote funtzionario demokratek CNN telebista kateari. Hasiera batean, botoa emateko aplikazioak kale egin zuela adierazi diote hedabide horri.
Mandy McClure Iowako Alderdi Demokrataren Komunikazio zuzendariak, ordea, erabat ukatu du aplikazioa erori izana, eta zehaztu du txosten batzuetan "gorabeherak" egon direla, "besterik ez".
"Botoak zenbatzeko erabili ohi dugun sistema teknologikoaz gain, emaitzen argazkiak eta paperak begiratzen ari gara denak bat egiten ote duen egiaztatzeko eta datu fidagarriak emateko", nabarmendu du McClurek.
Berez, Iowan 22:00etarako espero ziren emaitzak (05:00etan, Euskal Herrian).
Hautagai demokrata nagusiek hitzaldiak egin dituzte euren jarraitzaileen aurrean, emaitzen zain egon barik. Are, horietako batzuek, Bidenek tartean, aurreikusitako planari eutsi diote eta New Hampshirera jo dute (gaur zortzi han dira 'caucus'ak).
Trump gailendu da Iowan
Brad Parscale Donald Trump presidente errepublikanoaren kanpaina arduradunak iradoki du Alderdi Demokrata emaitzetan "iruzurra egiten" ari dela, eta barregarri utzi nahi izan ditu: "Hauek al dira gure osasun sistema kudeatu behar dituztenak?, galdetu du.
Alderdi Errepublikanoan ez da ezusterik izan eta Trumpek irabazi ditu barne-hauteskundeak, botoen % 97rekin. Izan ere, aurre egin diezaiokeen hautagairik ez dago errepublikanoen artean. Bill Weld Massachsettseko gobernadore ohiak eta Joe Walsh Illinoiseko kongresista izandakoak beste hautagaiek baino emaitza hobeak lortu dituzte, dena den.
"Hondamendiari" iseka egin dio Trumpek
Bestalde, Donald Trump AEBko presidentearen iritziz, Alderdi Demokratak Iowan egindako barne-hauteskundeak "aurrekaririk gabeko hondamendia" izan dira, emaitzen berri emateko unea atzeratu behar izan baitute zenbaketan arazoak atzeman ostean.
"Ez dabil ezer, herrialdea haiek gobernatzen dutenean bezala", esan du Trumpek atzo egindako bozketen inguruan. Testuinguru horretan, Iowan "garaipen zabala" aldarrikatu dezakeen pertsona bakarra bera dela ziurtatu du. Alderdi Errepublikanoaren jarraitzaileen artean, bere hautagaitzak babes handia izan zuen (% 97).
Albiste gehiago mundua
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.
Irango buruak AEBri mehatxu egin, eta adierazi du Israelekin duen gatazkan sartuz gero "ondorio konponezinak" izango direla
Ali Khameneik azpimarratu duenez, Teheranek "irmo jarraituko du inposatutako gerra baten aurrean, inposatutako bake baten aurrean bezala"
Trumpek dio badakitela non dagoen Khamenei, baina "oraingoz" ez omen dute hilko : "Jomuga erraza da"
"Gure pazientzia bukatzear da", azpimarratu du AEBko presidenteak, eta Irani "baldintzarik gabe amore eman" dezala eskatu dio.
Aire erasoek ez dute etenik Israelen eta Iranen artean
Gaur arratsaldean Iranek alarma antiaereoak piztu ditu Israelgo hegoaldean, ostiraletik egindako hamargarren erasoan. Iranen ere, bonbardaketak izan dira berriro Teherango kaleetan.