Txinan ez da koronabirusak kutsatutako kasu berririk, bigarren egunez jarraian
Txinan ez dute SARS-CoV-2 birusak kutsatutako kasu berririk atzeman azken 48 orduotan, bertako Gobernuko Osasun Ministerioak jakitera eman duenez. "Ez Wuhanen, pandemiaren epizentroan, ez eta Txinako gainerako herri eta hirietan ere ez dugu koronabirus kasu berririk izan, bigarren egunez jarraian", esan dute, ohar bidez.
Hori bai, "atzerritik inportatutako 39 koronabirus kasu berri" baieztatu dituzte Txinan, eta transmisio bide hori galaraztea da, orain, bertako agintarien lehentasuna. Orotara, 228 "kasu inportatu" atzeman dituzte, eta horietatik hiru hil dira.
Azken kasu horien guztien jatorria, zein herrialdetatik joan den atzera bueltan birusa, ez dute zehaztu, baina bai zein probintziatan baieztatu dituzten positiboak: bederatzi kasu Guangdongen, zortzi Shanghain, sei Pekinen eta hiru Fujianen. Bana, berriz, Tianjin, Liaoning, Heilongjiang, Zhejiang, Shandong, Guangxi, Sichuan eta Gansu probintzietan.
Osasun Ministerioak jakitera eman duenez, orotara 80.967 koronabirus kasu atzeman dituzte herrialde hartan, eta 3.248 pertsona hil dira COVID-19ak jota.
Larri daudenen kopurua jaisten ari dela azpimarratu dute Txinako agintariek; hala, 2.136 dira ospitaleetan egoera larrian daudenak.
Itxura guztien arabera, Txinan okerrena igaro dela ematen duenean, mundu osoan ari da zabaltzen birusa, eta geroz eta herrialde gehiago ari dira hedapenari aurre egiteko neurri zorrotzak hartzen.
Pandemiatzat jo du COVID-19 gaitza Osasunaren Munduko Erakundeak.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.