Austriak 10 lagunerainoko bilerak baimenduko ditu ostiraletik aurrera
Austriako Gobernuak astearte honetan iragarri duenez, ostiraletik aurrera hamar lagunerainoko taldeak baimenduko ditu, koronabirusaren pandemia arintzeko neurrien baitan.
Martxoaren erdialdetik, herritarrek debekatuta zuten etxetik irtetea, lan egitea, janaria erostea edo paseo bat ematea bezalako funtsezko jarduerak izan ezik. Austriak 15.350 kutsatu eta 569 pertsona hil dira Covid-19aren ondorioz.
Rudolf Anschober Osasun ministroak prentsaurrekoan azaldu duenez, mugimenduak murrizteko neurria bertan behera utziko da aste honetan, eta horren ordez beste pertsona batzuekin metro bateko tartea mantentzea beharrezkoa izango da, neurri berrien baitan. Ministroak argitu duenez, arau hori ez da garraio publikoan aplikatuko, beraz, bidaiariek maskarak eraman beharko dituzte.
Gobernuaren arabera, hotelak eta igerilekuak maiatzaren amaieran irekiko dituzte berriro. Austrian turismo sektorea BPGaren % 6a da, eta pandemiak sektore hori oso gogor jo du. Hoteletako bezeroen kopuruak martxoan % 68 egin du behera 1,3 milioira arte, 2019ko hilabete berarekin alderatuta, datu ofizialen arabera.
Anschoberrek adierazi duenez, mugimenduen murrizketak bertan behera uzteko erabakia behin eta berriz aztertu egingo da, kutsatuen kopuruak gora egin dezakeelako, azken astean tasa ehunetik behera mantendu baita. "Edozein unetan berriro gelditzeko adieraz dezakegu", ohartarazi du.
Albiste gehiago mundua
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.
Irango buruak AEBri mehatxu egin, eta adierazi du Israelekin duen gatazkan sartuz gero "ondorio konponezinak" izango direla
Ali Khameneik azpimarratu duenez, Teheranek "irmo jarraituko du inposatutako gerra baten aurrean, inposatutako bake baten aurrean bezala"
Trumpek dio badakitela non dagoen Khamenei, baina "oraingoz" ez omen dute hilko : "Jomuga erraza da"
"Gure pazientzia bukatzear da", azpimarratu du AEBko presidenteak, eta Irani "baldintzarik gabe amore eman" dezala eskatu dio.
Aire erasoek ez dute etenik Israelen eta Iranen artean
Gaur arratsaldean Iranek alarma antiaereoak piztu ditu Israelgo hegoaldean, ostiraletik egindako hamargarren erasoan. Iranen ere, bonbardaketak izan dira berriro Teherango kaleetan.