Akordiorik ezaz mehatxatu du Europar Batasunak Londres
Michel Barnier Europar Batasuneko negoziatzaileak Londresko gobernuari ohartarazi dionez, ez da akordiorik “edozein preziotan” egongo. Barnierrek Londresko gobernuari “brexit”ari buruzko akordioa ez errespetatzea leporatu dio. Hala azaldu du igande honetan “The Sunday Times” egunkariari eskainitako elkarrizketan.
Astearte honetan laugarren negoziaketa txanda hastear dagoenean gertatu da Barnierren mehatxu hori. Lehengo hiru negoziaketa txandak porrotean amaitu ziren. Oztopo nagusienak hauek dira: Bruselak Londresi Europar Batasuneko konpetentzia baldintza berdinak eskatzen dizkio, auzietan Europako Auzitegiak erabakitzeko ahalmena izatea eta arrantza arloan erraztasun gehiago izatea ur britainiarretan aritzeko.
Gainera, frantziarrak esan duenez, ez da akordiorik egongo Londresek ez baldin badu joan den udazkeneko agiri politikoa betetzen, hori oinarrizkoa baita.
Eztabaidan dagoen akordio berriak etorkizuneko harremanak arautu behar ditu, abenduaren 31n amaitzen den trantsizio epearen ondorengo harremana. Oso zaila dirudi epe horretan akordiorik lortzea. Trantsizio epea luzatuz gero, negoziatzeko denbora gehiago lortu daiteke.
EBko buruzagiek ekaineko goi bileran trantsizio epea luzatzea erabaki dezakete. Baina Boris Johnson lehen ministroak aukera hori baztertu du. Buruzagi britainiarrak berretsi duenez, Erresuma Batua, “akordioarekin ala akordio gabe” irtengo de Europar Batasunetik urte amaieran. Orain trantsizio epean dagoen bitartean, Erresuma Batua behintzat Europako merkatu bateratuan eta arantzel batasunean dago. Beraz, trantsizio epe hori akordiorik gabe amaitzen baldin bada, 2021ko urtarrilaren batetik aurrera muga zergak eta merkataritzarako gainerako oztopo gehiago indarrean jarriko dira.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.