Microsoftek AEBn TikTok erosteko asmoa berretsi du Trumpekin hitz egin ostean
Microsoft konpainiak igande honetan baieztatu duenez, TikTok sakelako telefonoen aplikazioa erosteko asmoa du, Satya Nadella zuzendari exekutiboak Donald Trump AEBko presidentearekin hitz egin ostean.
Konpainiak ohar baten bidez jakinarazi duenez, "Microsoft prest dago TikTok Estatu Batuetan erosi izana aztertzeko".
Konpainiaren arabera, ByteDancerekin, TikTok enpresaren jabearekin hitz egingo du, "azkar", erosketa prozesua "aste batzuk barru" amaitzeko helburuarekin. Balizko datari buruz, eztabaidak "beranduenez irailaren 15ean" eginda egon daitezkeela aurreratu du. Prozesuan zehar, Microsoftek esan du "Estatu Batuetako Gobernuarekin, eta baita presidentearekin ere, elkarrizketatzen jarraitzea" espero duela.
Komunikatuan, konpainiak zehaztu du TikTok erosteko aurretiazko proposamen bat aztertzeko asmoa dutela, ez soilik Estatu Batuetan, baita Kanadan, Australian eta Zeelanda Berrian ere.
Egitura berriak "segurtasun babesak, pribatutasuna eta segurtasun digitala bermatuko ditu" erabiltzaileentzat. Hala, eredu berriak erabiltzaileei gardentasuna bermatzea eta "herrialde horietako gobernuek segurtasuna behar bezala ikuskatzea" hitzematen du.
Ildo horretan, Microsoftek garrantzia eman dio Trumpen "kezkei" erantzuteari, eta TikTok erosteko konpromisoa hartu du, "segurtasuna erabat berrikusi" ondoren, eta "AEBei etekin ekonomiko egokiak" emateko konpromisoa hartu du.
Konpainiak zehaztu duenez, elkarrizketan oraindik “hasierako fase batean daude”, eta "ez du eguneratze gehiago egiteko asmorik, eztabaidek azken emaitza izan arte".
Mike Pompeo Estatu Batuetako Estatu idazkariak igande honetan bertan baieztatu duenez, Trump prestatzen ari da aplikazioaren erabilera mugatzeko aukerari buruzko erabakia hartzeko, bere erabiltzaileen informazioa Txinako Gobernuari bidaltzen ari den susmoagatik.
Presidenteak ostiralean iragarri zuen TikTok bai ala bai debekatu egingo zuela larrialdiko botere ekonomikoak edo agindu exekutibo bat erabiliz, baina ez zuen xehetasun gehiagorik eman.
Aplikazioarekin kritiko zirenek errezeloa agertu zuten TikTokek erabiltzaile estatubatuarrei buruz bildutako datuak Txinako Gobernuaren esku gera ote zitezkeen, nahiz eta konpainiak ziurtatu bere datuak Txinatik kanpo gordetzen dituela eta Pekinek informazioaz jabetzeko egindako edozein ahalegini uko egingo ziola.
Zibersegurtasuneko adituek, berriz, adierazi dute aplikazioak segurtasun nazionalerako dakarren arrisku potentziala, batez ere, teorikoa dela, eta ez dagoela inolako frogarik TikToken erabiltzaileen datuak Txinako Inteligentziarekin konprometituta egon daitezkeela iradokitzen duenik.
Albiste gehiago mundua
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, gerra komertziala hauspotu da
Gaurtik, oro har, % 15eko muga-zergak ezarriko zaizkiei Estatu Batuen merkataritza-bazkide gehienei, tartean, Europar Batasunari.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.