COVID-19aren aurkako txertoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Sei balizko txerto fase oso aurreratuan daude eta "itxaropena dago"

MOEko Osasun Larrialdietako zuzendari Mike Ryanek gehitu du txerto horietako bat emaitza onak ematen hasten denean "txertoa ekoiozten hasiko" dela.
Sei txerto oso fase aurreratuan daude.
Sei txerto oso fase aurreratuan daude. Argazkia: EFE
author image

AGENTZIAK | ERREDAKZIOA

Azken eguneratzea

COVID-19aren aurkako sei balizko txerto fase oso aurreratuan daude, eta itxaropena dago laster herritarrak koronabirusaren aurka immunizatzen hasteko, Tedros Adhanom Ghebreyesus Munduko Osasun Erakundeko zuzendari nagusiak adierazi duenez.

Aste hasieran koronabirusaren aurkako "panazearik" egon ez daitekeela esan zuen adituak, gaur argitu du nahiz eta prozesuan oso aurreratuak doazen txertoak egon (hirugarren fasean, entsegu klinikoak egiten), eta emaitzak itxaropentsuak izan, azpimarratu du testen azken emaitzak itxaron behar direla.

Tedrosek aipatutako txertoetatik hiru Txinan garatzen ari dira, bi AEBetako Pfizer eta Moderna farmazeutikoen laborategietan, eta azkena AstraZenec laborategi britainiarra ari da garatzen, Oxfordeko Unibertsitatearen kolaborazioarekin.

MOEko Osasun Larrialdietako zuzendariak, Mike Ryanek gehitu du txerto horietako bat emaitza onak ematen hasten denean "txertoa ekoiozten hasiko da, eta herritarrak immunizatzeko prozesuari ekingo zaio, baina kontuz ibili beharra dago eta kontrako efektuak identifikatu behar dira milaka pertsonei txertoa jartzen hasi aurretik".

MOEtik gogoratu dute 6 hautagai horietaz gain, beste 160 laborategik lanean dihardutela txertoa lortzeko, koronabirus baten aurka lortzen den lehenengoa.

Errusiarrek, lehengo asteburuan, Gamelai Inbestigazio Epidemiologikoko eta Mikrobiologikoko Zentro Nazionalak txerto bat garatu duela esan zuten. Txerto hori proben azken fasean dagoela adierazi zuten eta urrirako herritarrak inokulatzen hasteko aukera mahai gainean jarri zuten. Hala ere, MOE zuhur agertu da aukera horren aurrean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.
Gizartea Munduko albisteak Gaixotasunak Eguneko Titularrak Sendagaiak Txertoak Covid-19aren aldaera berriak Munduko Osasun Erakundea

Zure interesekoa izan daiteke

18:00 - 20:00
ZUZENEAN
Duela  min.

130.000 pertsona inguru argindarrik gabe geratu dira San Frantziskon

Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.

Gehiago ikusi
Publizitatea
X