Nagasakiko eraso nuklearra azkena izatea eskatu diote munduari 75 urte geroago
Eraso nuklearraren 75. urteurrena bete dela gogorarazi du Nagasaki (Japonia) hiriak igande honetan. Bonba atomiko batek suntsitu zuen bigarren hiria da, eta azkena orain arte. Arma nuklearrak deuseztatzea eskatu du Nagasakik.
“Mundu osoari dei egiten diot. Bakearen aldeko lanean murgiltzeko modu ugari daude”, aldarrikatu du Tomihisa Taue Nagasakiko alkateak. Arma nuklearrak, klima aldaketa eta pandemiak mehatxu globala direla ohartarazi du.
Lore eta ur eskaintza sinboliko baten ostean, biktimen omenez, ehunka pertsonak minutu bateko isilunea gorde dute 11:02ean, duela 75 urte leherketa gertatu zen ordu berean. Isilunea ekitaldi ofizialaren barruan zein kanpoan zeuden pertsonak egin dute.
Minutu gutxi batzuk lehenago, dozenaka erlijiosok otoitz egin dute inguruetan; aldi berean lau elkarretaratzek arma nuklearren, gerren eta Gobernuen aurka protesta egin dute.
Hala ere, orduak jo duenean leherketaren epizentroko oroitarriaren aurrean zutunik jarri dira guztiak, eta isilunea gorde dute. Kanpai-hotsa eta txitxarren txinta bakarrik entzun da orduan.
Biktimen omenez egindako zeremonia ofizialean Tomihisa Taue Nagasakiko alkateak adierazpen bat irakurri du. Arma Nuklearrak Ez Ugaritzeari Buruzko Ituna berrikusteko biltzarrean parte hartuko duten herrialdeei “armagabetze nuklear eraginkor baterako bidea markatzea” eskatu die Tauek.
Duela hiru egun Hiroshimako alkateak, lehen eraso nuklearraren urteurrenean, egin bezala, Tauek Japoniako Gobernuari eta potentzia nuklearrei Arma Nuklearrak Debekatzeko Ituna lehenbailehen sinatzea eskatu die. Itunak 50 sinadura behar ditu indarrean sartzeko, orain arte 43k babestu dute.
Hibakusha edo leherketatik bizirik atera ziren pertsonen lekukotza izugarriak 75 urte entzuten eman ondoren, arma nuklearrak desagertzeko nahikoak ez ote diren galdetu du Nagasakiko alkateak.
“Koronabirus berriaren antzera, gure inguruan hedatu zen arte beldurrik ez genion bezala, gizateria ez da arma nuklearren mehatxuaz jabetzen, berriz erabili arte, baina orduan egoerak ez du atzera bueltarik izango”, azpimarratu du Tauek.
Aurten zeremonia xumeagoa egin dute covid-19a dela medio. 500 pertsonak parte hartu dute ekitaldi ofizialean, iaz 5.200 inguru izan zirenean.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.