Navalni errusiar oposizioko liderra larri dago, ustez pozoitua izan ondoren
Alexei Navalni Errusiako oposizioko liderra Omsk hirian ospitaleratu dute, ustez toxina batekin pozoitu dutelako. Tomsk hiri siberiarretik Moskura itzultzeko hegaldian izan da, bere inguruko kideek ostegun honetan iragarri dutenez.
"Navalni gaur goizean itzuli da Tomsketik Moskura. Politikaria ondoezik jarri zen hegaldian. Hegazkina Omsken lurreratu da. Alexeik intoxikazio bat du. Anbulantzian joango gara ospitale batera", jakinarazi du Kira Yarmish haren fundazioko bozeramaileak Twitterren.
Bozeramailearen hitzetan, oposiziogilea "konorterik gabe dago", eta "haren teari gehitutako substantziaren batekin pozoitu dutela susmatzen dugu, goizean hartu duen gauza bakarra baita". "Medikuek diote likido bero batekin toxina azkarrago asimilatzen dela", gaineratu du, Errusiako Sputnik agentziaren arabera.
Ondoren, Yarmishek adierazi du "Alexei Zainketa Intentsiboetako Unitatean" dagoela, eta beste mezu batean zehaztu du lagunduriko aireztapenarekin dagoela eta ez duela konortea berreskuratu. Bozeramailearen arabera, ospitaleak berak eskatuta Poliziari deitu dio.
Bestalde, Alexander Murajovski Omskeko ospitaleko medikuak aitortu du oposizioko burua "larri" dagoela, Tass Errusiako albiste agentziak jakitera eman duenez.
Navalniko ospitaleratzea ere baieztatu du Osasun Sailak. "Zainketa intentsiboetako unitatean dago, eta beharrezko proba guztiak egiten ari zaizkio", jakinarazi du erakundeak, Sputniken arabera.
Azken urteotan, Vladimir Putin Errusiako presidentearen aurkako oposizioaren aurpegirik agerikoena bihurtu da Navalni, haren aurkako protesta ugariren buru izan da eta hainbat aldiz atxilotu dute Errusiako agintariek.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.