Boko Haramek gutxienez 110 nekazari hil ditu Nigerian
Gutxienez 110 pertsona hil ditu Boko Haram talde jihadistak Nigeriako ipar-ekialdean, NBEko iturriek gaur jakitera eman dutenez. Erasoa atzo egin zuten, eta biktimak arroza lantzen ari ziren nekazariak dira.
“Gutxienez 43 zibil hil dituzte modu ankerrean, eta jasotzen ari garen zenbait txostenen arabera, 110 izan daitezke hildakoak”, adierazi du Eve Sabbagh Gai Humanitarioetarako Nazio Batuen Erakundeko Informazio Publikoaren Bulegoko (OCHA) buruzagiak.
Talde jihadistak Maiduguritik, Borno estatuko hiriburutik, gertu egindako erasoarekin “ikaratuta” azaldu da Edward Kallon NBEko koordinatzaile nagusia Nigerian.
Agiriaren arabera, eraso “basatia” gizon armatuek egin dute. Motorretan heldu ziren, eta Koshobeko lursailetan uzta batzen ari ziren gizonen eta emakumeen aurka egin zuten, baita Jereko gobernu lokalaren zonaldean ere.
“Nekazariak indarkeria ankerraren biktima errugabeak izan direla diote txostenek”, azaldu du koordinatzaile humanitarioak. “Zenbait emakume bahitu dituzte”, erantsi duenez.
Kallonen hitzetan, “zibil errugabeen aurka egindako eraso zuzen ankerrena izan da” 2020an, baina “zoritxarrez, nekazarien, arrantzaleen eta familien kontra egiten diren eraso anitzetako bat izan da; hamarkada bat baino gehiago iraun duen gatazka amaitu ondoren, herritarrek bizitza aurrera ateratzeko aukeraren bat baliatu nahi dutenean”.
Hildako batzuei lur eman diete dagoeneko. Argazkia: EFE
Hildakoen gorpu batzuei lur eman diete ehunka bizilagunek goizean, Nigeriako komunikabideek jakitera eman dutenez. Babagana Umara Zulum Bornoko gobernadorea hiletan izan da.
Nekazarien hiletan izan ondoren, estatuko toki askotan Bokok Haramek “indarra” duela onartu du Zulumek, sei milioi pertsona baino gehiagorentzat mehatxu bat da herrialdeko zonalde horretan, Sambisako oihanean eta Txad aintzirako eskualdeetan, Bornoko iparraldean.
“Gure herritarrak egoera zailean daude. Alde batetik, etxean geratzen baldin badira, gosez hil daitezke; bestetik, lursailetara joanez gero matxinoek hiltzeko arriskua dute. Hori oso tristea da”, esan du Zulumek.
27.000 hilketa baino gehiago azken hamarkadan
Azken hamarkadan, Boko Haramek eta ISWAP haren zatiketak 27.000 pertsona baino gehiago hil dituzte, eta ia hiru milioi pertsonak etxetik ihes egin behar izan dute, NBEko datuen arabera.
Mohamed Yusuf buruzagi espiritualak Boko Haram 2002an sortu zuen Maidugurin, Nigeriako buruzagiek herrialdeko iparraldea pobrezian eta baztertuta utzi zutela salatzeko helburuarekin.
Orduan, Nigeriako Poliziaren aurkako erasoak bakarrik egiten zituen, Estatuaren ordezkaria zelako, baina poliziek Yusuf 2009an hil zutenean, kanpaina odoltsua abiatu zuen talde jihadistak, Estatu islamiko bat inposatzeko asmoz. Nigeriako hegoaldea musulmana da, baina hegoaldea kristaua.
Orduz geroztik, Nigeriako ipar-ekialdea –eta azken urteetan Kamerun, Txad eta Nigerreko mugak- mehatxu jihadistapean bizi dira.
Zure interesekoa izan daiteke
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".
Iranek ziurtatu du AEBko beste ehiza-hegazkin bat eraitsi duela, herrialdearen erdialdean
AEBko agintariek ez dute, oraingoz, gaiari buruzko adierazpenik egin; hala ere, lehen hegazkinetik tripulatzaileetako bat erreskatatu dutela ziurtatu dute.
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.
Erreskate faltsuak gauzatzen zituen sare bat desegin dute Nepalen
Mendizaleei iruzur egiten saiatzen ziren, beharrezkoak ez ziren ebakuazio medikoen bidez. Agintariek faltsututako 171 erreskate baieztatu dituzte 2022tik 2025era. Ikerketak zabalik jarraitzen du, eta ez da baztertzen kaltetuen kopurua handitzea.
Texasko petrolioak ia % 13 egin du gora, gerra laster amaitzeko zantzurik ez dagoelako
Trumpen azken agerraldiak gerra azkar amaitzeko itxaropena zapuztu du inbertsiogileen artean. Wall Streetek % 1,28 egin du behera, Trumpek Irani "gogor" erasotzen jarraituko duela iragarri ostean.
Artemis II-ko komuna, Ilargira bueltatzeko misioa kolokan jarri duen ustekabea
Tripulazioak akats bat antzeman zuen Orion ontziko hondakinen sisteman. Hala ere, arazoa konpondu zuten, aireratu eta ordu batzuk geroago, misioa arriskuan jarri gabe.