Bost pertsona hil dira oinezkoentzako kale batean auto batek harrapatuta, Treverisen
Gizon batek bost pertsona hil ditu, tartean bederatzi hilabeteko haur bat, Alemaniako Treveris hirian, oinezkoentzako gune batean, gidatzen zuen ibilgailuarekin aurretik eramanda. Halaber, gutxienez beste hamalau lagun zauritu dira.
Poliziak jakinarazi duenez, edanda zihoan eta abiadura bizian sartu da oinezkoentzako gunean jendea harrapatu nahian. Ehunka metro egin ditu eta kalean jarrita zeuden hainbat postu ere aurretik eraman ditu.
Harrapaketa 13:45ak aldera gertatu da hiriaren erdiguneko merkatu batean. Handik minutu batzuetara Poliziak autoa geldiarazi du eta gizonezkoa atxilotu du.
Hildakoak bederatzi hilabeteko umea –ama zauritu egin da eta ospitaleratuta dago-, 25 eta 73 urteko bi emakume eta 45 urteko gizon bat dira. Bosgarren laguna, 52 urteko emakumea, ordu batzuk geroago hil da ospitalean. 14 pertsona zauritu dira, eta horietako lau larri daude.
Fiskaltzak azaldu duenez, erasotzaileak 51 urte ditu, Treveriseko bizilaguna da eta atxilotu dutenean edanda zihoan. Positibo eman du alkoholemia proban. Treverisen bizi bada ere, azken egunak "bere ibilgailuan" igaro ditu.
Ez du aurrekaririk, eta buruko gaitzen bat izan dezakeela uste dute, duela gutxi hainbat proba egin baitzizkioten. Orain psikiatra batek ikusiko du eta bere egoera zein den aztertuko du.
Bost pertsona hil izana eta hainbat hilketa saiakera leporatu dizkiote.
Asteazkenean eramango dute epailearen aurrera, eta honek erabakiko du espetxean ala psikiatriko batean sartzen duten, Fiskaltzak esan duenez.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.