Bidenen mezu "itxaropentsua" eta Trumpen agurra Twitterren
Espero zen bezala, Joe Bidenen (AEBetako presidente berria) kargu-hartzearen ekitaldiak mundu osoko hedabideen arreta bereganatu zuen atzo. Estatu Batuetan egun historikoa zen, eta Twitterreko milaka erabiltzaileren iruzkinek #InaugurationDay traolarekin josi zuten Twitter sare soziala.
Presidente berriaren lehen hitzaldia, Lady Gagaren Estatu Batuetako ereserkiaren interpretazioa eta Jennifer Lopezek gaztelaniaz eman zuen mezu inklusiboa izan zituen, besteak beste, protagonista. Protagonistek aukeratu zuten estilismoan ere jarri ziren begiradak.
Joe Bidenek AEBetako 46. presidente kargua hartu zuen 11:00etan (Washingtongo ordua). Une horretan, Jill emazteari eskerrak emateko bideo bat partekatu zuen Twitterreko bere kontuan.
Askok txalotu zuten Bidenen lehen hitzaldia sare sozialetan. "Itxaropena", "batasuna", "promesa" edo "garai berriak" izan ziren Twitterren gehien errepikatu ziren hitzak, Donald Trumpek zuen estilo eta erretorikarekin alderatuta, analista politiko askoren ustez, oso bestelakoa. Hala ere, aurkako mezu asko ere argitara eman ziren eta zenbaitek presidente berria "arrazistatzat" eta "gezurtitzat" jo zuten.
Kargu hartzearen ondoren, Washingtonen ikuskizunak jarraitu zuen. Lady Gaga abeslari ospetsuak ereserki nazionala abestu zuen, eta askok "une historikoa" izan zela nabarmendu zuten Twiterren, abeslariak LGBT komunitatea babesten baitu. "Oso hunkigarria" edo "oilo ipurdia", zioten jarraitzaile batzuek. Abeslariak bakearen uso handi bat zeraman soinean, eta Interneten asko hitz egin zen horri buruz.
Ez ziren oharkabean pasatu Hilary Clinton, Kamala Harris eta Michelle Obamaren jantziak; izan ere, kolore morea aukeratu zuten, askok kolore gorriaren eta urdinaren arteko nahasketa bezala interpretatu zutenak, bipartidismoa irudikatzen duena, baita feminismoa ere.
Jennifer Lopezek ere ekitaldian parte hartu zuen, eta musika pieza batekin gozatu ahal izan zuten bertaratutakoek. Gainera, "Nazio bat, Jainkoaren azpian, zatiezina, guztiontzako askatasun eta justiziarekin!" esaldia ohiukatu zuen gaztelaniaz.
Katy Perryk eman zion amaiera zeremoniari. Bere ibilbideko arrakastarik handienetako bat interpretatuz egin zuen, 'Firework', zerua su artifizialez betetzen zuen emanaldi ikusgarri batekin batera. Ikuskizunaz asko hitz egin zen Twiterren.
Trumpen agurra
Ordu batzuk lehenago, Donald Trump presidente ohiak Etxe Zuriari agur esan zion, "nolabait itzuliko gara" esanez, eta berehala memeak bata bestearen atzetik heldu ziren Twitter sare sozialera.
Hala ere, zenbaitek onartu zuten presidente ohiaren hitzaldia "hunkigarria" izan zela eta "bihotzera" iritsi zitzaiola.
Bidenen kargu hartzean parte hartu ez arren, Donald Trumpek tradizioa bete zuen eta presidente berriari gutun bat utzi zion. Bidenez, lehen dekretuak sinatu ostean, Trumpek utzitako gutuna "oso eskuzabala" izan zela esan zuen.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.