Mario Draghik eta bere gobernu taldeak gehiengo zabala lortu dute Senatuan
Mario Draghi Italiako lehen ministroak Senatuaren onespena lortu du, aldeko 262 botorekin, kontrako 40rekin eta bi abstentziorekin; horrela, gehiengo zabala izan du, gehiengo osoa izateko 101 babes behar baitira.
Senatuaren baiezkoa gauerdia baino lehentxeago iritsi da Italiako Goi Ganberan, goizean Draghik osoko bilkuran diskurtso europazalea egin eta senatariek pandemiaren aurrean duten "erantzukizun nazionala" aldarrikatuta.
Draghik espektro zabaleko gobernu baten buru kargua hartu zuen asteburuan, eta gaur, osteguna, Diputatuen Ganberako bozketari egin beharko dio aurre, baina, Senatuan bezala, azken orduan bajak egin badaitezke ere, aurrera egingo duela iragarri du. Onartuz gero, Draghiren Gobernuak funtzio osoak izango ditu.
Goi Ganberan, 5 Izar Mugimenduko 15 senatarik Draghiren Gobernuaren aurka bozkatu dute, baita Italiako Anaiak alderdi politikoaren 19 senatarik ere.
Italiako Administrazioa teknokrata batek zuzenduko du historian laugarren aldiz, eta horrek espektro politikoko zenbait sektoreren kritikak eragin ditu. Draghik hitzaldian adierazi duenez, lankidetzarako bide "berria" eta "ezohikoa" da, babesa eman dioten mota guztietako ideologiek erakusten dutenez.
Halaber, "Gobernuaren sinesgarritasuna ekintzekin" eraikiko duela agindu du Draghik, Sergio Mattarella Italiako presidentearen mandatua eskertu eta beretzat "ohorea" izan dela esan ondoren.
Zure interesekoa izan daiteke
Israelek Libanon egindako erasoek 1.400 lagun hil dituzte dagoeneko
Gaur, larunbata, Israelgo Armadak baieztatu du Libano hegoaldean eta Beiruten hainbat eraso burutu dituela Hezbollahren milizien eta Palestinako Jihad Islamiarraren egituren aurka.
Trumpek Irani gogorarazi dio 48 orduan iraungiko dela bere ultimatuma
"Gogoratzen al duzue Irani 10 eguneko epea eman niola akordioa adosteko edo Ormuzko itsasartea irekitzeko? Bada, denbora amaitzen ari da: 48 ordu geratzen dira infernua hasteko", esan du Trumpek Truth Social plataforman argitaratutako mezu batean.
Berlingo harresi zatien salmenta negozio bihurtu da
Aste Santuan, Berlin da Europa osoan bisitari gehien jasotzen dituen hiriburuetako bat, eta hainbat hamarkadatan hiria bitan banatu zuen harresiaren zatien salmenta negozio bihurtu da. Neurri guztietako zatiak saltzen dira, baina kontuz, guztiak ez baitira benetakoak. Harresi zatiak erostearekin batera, duela 40 urte Berlin banatzen zuen Checkpoint Charlie bisitatu eta argazkiak ateratzea ere modan jarri da. Kapitalismoaren sinbolorik handiena du gaur egun ondoan.
Beiruteko nekazarien azoka sukalde solidario handi bilakatu da
Besteak beste World Central Kitchen gobernuz kanpoko erakundeen finantzaketa jasotzen dute. Tokiko nekazarien produktuekin prestatzen dituzte jakiak, premian daudenek etxean bezala jan dezaten. Beharra gero eta handiagoa da, desplazatuen kopurua etengabe hazten ari delako.
Buxehrko zentral nuklearraren eta Khuzestango eremu petrokimikoaren aurkako eraso gehiago salatu ditu Iranek
"Eraso horren hedatze uhinaren eta metrailaren ondorioz, zentral elektrikoaren alboko eraikinetako bat kaltetu da, eta, zoritxarrez, segurtasun saileko langileetako bat hil da", jakinarazi du instalazioko langile batek. Irango agintariek nabarmendu dutenez, zentrala martxan dago.
Energia enpresen etekinei zerga ezartzeko eskatu dute Alemaniak, Italiak, Espainiak, Portugalek eta Austriak
Bost herrialde horietako Finantza ministroek gutuna igorri diote Europako Batzordeari. Argudiatu dutenez, "gerraren ondorioz etekinak lortzen ari diren konpainiek euren partetik ipini behar dute herritarren gaineko zama arintzeko”.
Lurra, 'Orion' espazio ontzitik ikusita
Misioa aurrera doa, Ilargirantz, eta distantzia horretatik Lurraren irudiak hartu dituzte, astelehenean satelitera iritsi aurretik.
Ehiza hegazkinak eraisteak ez du eraginik Iranekin egiten ari diren negoziazioetan, Trumpen arabera
Hala ere, su-etena lortzeko negoziazioak "itopuntuan" daudela adierazi dute bitartekariek. Iranek saria eskaini du pilotuak harrapatzeagatik, eta Israel Libanon jartzen ari da indarra.
Leon XIV.ak gerraren eta botere gehiegikeriaren aurkako aldarria egin du bere lehen gurutze bidean
Leon XIV.a izan da Ostiral Santuan bere agintaldiaren lehen gurutze bidean buru, Erromako Eliseoan. Gerra eta botere gehiegikeriaren aurkako aldarrikapena egin du milaka eta milaka fededunen aurrean, eta argi esan du: "Agintari orok Jainkoaren aurrean erantzun beharko du jasotako boterea erabiltzeko moduagatik".
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".