Milaka israeldarrek Netanyahuren dimisioa eskatu dute, hauteskundeen atarian
Milaka pertsona Jerusalemgo kaleetara irten dira Benjamin Netanyahu lehen ministroaren dimisioa eskatzeko, Israelgo hauteskundeak egiteko bi egun falta direnean, martxoaren 23an.
Manifestazioaren antolatzaileek 15.000 pertsona espero zituzten, baina azkenean 50.000 lagunek parte hartu dute, Israelgo Parlamentutik Netanyahuren etxetik hurbil dagoen Jerusalemgo Paris plazaraino, The Jerusalem Post egunkariaren arabera.
Beste informatzaileek 20.000 pertsona zenbatu dituzte urteko manifestazio jendetsuenean, The Times of Israel egunkariaren arabera.
Ia bederatzi hilabetetik hona ohikoak izaten ari dira lehen ministroaren kontrako martxak larunbat gauetan, baina azken hilabeteetan jende gutxiago ikusi da horietan.
Manifestariek bengalak eta bandera arrosak eraman dituzte. Kolore hori ustelkeriarik, gezurrik eta arrazakeriarik gabeko munduaren aldeko Fronte Arrosaren sinboloa da. Manifestariek Bandera Beltz Mugimenduaren ikurrak ere eraman dituzte.
Parlamentuak Aurrekontuak onartzeko bilerak akordiorik gabe itxi ostean aurreratu zituzten hauteskundeak. Galdeketen arabera, Likudek irabaziko du berriro, baina oso zatituta egongo da Parlamentua, eta blokeek ez dute gehiengorik izango. Hauteskundeen testuinguruan, ustez ustelkeria egiteagatik epaituko dute Netanyahu.
Jerusalemgo Auzitegiak apirilaren 5era arte, hauteskundeen ondoren, atzeratu zuen frogak aurkezteko epea, baina ez zuen aintzat hartu Netanyahuren kontrako akusazioak erretiratzeko eskaera. 2020ko maiatzean bilakatu zen boterean dagoen bitartean ustelkeria kasuengatik epaituko duten lehen gobernuburua.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.