George Floyd hiltzeaz akusatutako polizia ohiak epaiketan deklaratzeari uko egin dio
George Floyd afro-amerikarra hiltzeaz akusatuta dagoen Derek Chauvin polizia ohiak epaiketan deklaratzeari uko egin dio, Ameriketako Estatu Batuetako Konstituzioaren bosgarren zuzenketa baliatuta. Arau horri esker, auzipetuek epaiketan testigantzarik ez emateko eskubidea dute, esaten dutena beraien aurka erabili ez dezaten, hau da, nahi barik bere burua errudun jo ez dezaten.
Floyden hilketa argitzeko epaiketa martxoaren 29an hasi zen Minneapoliseko auzitegian eta gaur deklaratu behar zuen akusatuak. Aurreko saio guztietan isilik egon da, bere abokatuaren ondoan eserita eta oharrak hartzen.
Chauvinek bere erabakia jakinarazi duenean, Peter Cahill epaileak epai-mahaiko 12 kideei azaldu die horretarako eskubidea duela eta, ondorioz, deklaratzeari uko egin izan ezin dutela haren aurka erabili.
Chauvin Poliziatik kanporatu zuten, Floyden hilketa leporatu ziotenean. Hiru delitu egozten dizkiote: hilketa bigarren graduan (40 urteko espetxealdia gehienez), hilketa hirugarren graduan (25 urteko kartzela-zigorra gehienez) eta homizidioa bigarren graduan (10 urteko espetxealdia gehienez).
Edonola ere, aurrekari penalik ez duenez, gehienez 12 urte eta sei hilabeteko espetxe-zigorra ezar diezaiokete hilketa egotziz gero; eta lau urteko kartzelaldia, homizidioa leporatzen badiote.
Floyd 2020ko maiatzaren 25ean hil zen. Denda batean ustez billete faltsu batekin ordaintzeagatik indarrez atxilotu zuten lau agentek. Lurrera bota zuten eta une horretan Chauvinek hanka lepoan jarri zion, itota hil zen arte.
Bestalde, laugarren egunez jarraian, Minneapolisetik hurbil dagoen Brooklyn Centerreko komisaldegiaren aurrean ehunka manifestari bildu dira, polizia batek Daunte Wright 20 urteko afro-amerikarra hil izana salatzeko.
Erasotzailea Kimberly Potter da eta Poliziatik kaleratu dute. Atzo atxilotu zuten gertakari horrekin lotuta eta homizidioa egotzi diote.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.