Israelen "erasoaldia gelditzeko" esku hartzea eskatu dio Palestinak nazioarteari
Mohamad Shtaye Palestinako lehen ministroak laguntza eskatu dio nazioarteko komunitateari, Israelen "erasoaldia gelditzeko" esku hartu dezan. Iragan astelehenean erasoak gogortu zituenetik Israelek 200 palestinar baino gehiago hil ditu, tartean 58 ume.
Gazako Zerrendan gutxienez 197 dira hildakoak, 58 adin txikiko barne. Gainera, beste 20 palestinar hil dituzte Zisjordanian. Israelen, ostera, 10 pertsona hil dira Gazatik jaurtitako koheteen ondorioz.
Bizi duten egoerari aurre egiteko erabaki bat eskatu dio Palestinako lehen ministroak Nazio Batuen Erakundeari. Izan ere, AEBk betoa jarri dio hainbat herrialdek NBEren Segurtasun Kontseiluan aurkeztutako ebazpenari. Halaber, Israelen aurkako zigor neurriak onartzea eskatu dio nazioarteko komunitateari.
Shtayeren hitzetan, "ez da nahikoa" komunikatuak bidaltzea "krimen horiek salatuz eta gaitzetsiz", eta eskatu du herrialdeek Israelen dituzten enbaxadoreak kontsultara deitzeko "Israelek Gazako Zerrendaren aurka egindako erasoak gaitzesteko".
Era berean, merkataritza akordioak eta laguntza humanitarioa etetea eskatu du, batez ere AEBtik eta Europar Batasunetik, Israelek Palestinako herritarren giza eskubideak errespetatzeko konpromisoa hartzen ez badu.
"Nazioarteko Zuzenbideak zigortzeko moduko krimenik handienetako bat da", salatu du Mohamad Shtayek. "Hau berehala gelditu behar da", azpimarratu du, Nazioarteko Zigor Auzitegiari "prozedurak azkartzeko" eskatu aurretik.
Azkenik, su-etena lortzeko nazioartetik egindako ahaleginei Israelek ez erantzutea salatu du Shtayek. Bestalde, Palestinako Agintaritza NBEren Batzar Nagusira joango da aldeko ebazpen bat lortzeko asmoz.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.