Jordaniako mugatik gertu drone bat bota duela iragarri du Israelek
Israelgo Armadak Jordaniako mugatik gertu drone bat bota duela iragarri du gaur. Hala ere, ez du zehaztu non aireratu duten.
Armadak zabaldutako informazioaren arabera, Israel iparraldean eraitsi dute, Beit Shean hiritik gertu, zehazki, Jordan eta Megido haranen artean. Dena dela, oraingoz ez dakite Jordaniatik atera den ala ez.
Ildo horretan, The Times of Israel egunkari israeldarrak gogora ekarri duenez, 2018an beste drone bat sartu zen Israelgo aireko espazioan, eta orduko hartan ere Armadak lurrera bota zuen. Iranen egindako dronea Siriatik aireratu omen zuten, eta Israelek helburu irandarrei eraso eginez erantzun zuen gero.
Atzo, Jordaniako Parlamentuak mozio bat onartu zuen, aho batez, Israelgo enbaxadorea Amman hiriburutik kanporatzeko eta Jordaniak Tel Aviven duen enbaxadorea bilera batera deitzeko.
Bestalde, Israelek Kerem Shalomgo pasabidea irekiko du Gazako mugan, bertako hedabideek jakitera eman dutenez. Maiatzaren 9tik itxita egon da, eta erregaia, elikagaiak eta botikak Gazako Zerrendan sartzea ahalbidetuko du.
Duela astebete Israelen azken erasoaldia hasi zenetik 200 palestinar baino gehiago hil dira Gazako Zerrendan, tartean 58 adin txikiko. Gainera, Zisjordanian 20 palestinar hil dira. Israelen, ostera, 10 pertsona hil dira Gazatik jaurtitako koheteen ondorioz.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.